तुमचे लिव्हर धोक्यात आहे का? 'या' एका वनस्पतीमुळे होईल मजबूत, तज्ज्ञांनी दिला 'हा' सल्ला!

Health Tips : आपल्या शरीरात यकृत (लिव्हर) हा एक महत्त्वाचा अवयव आहे. पचनक्रियेत त्याची खास भूमिका असते. यकृत जितके निरोगी, तितकी पचनक्रिया चांगली होते. सध्या यकृत खराब होण्याची समस्या मोठ्या प्रमाणावर वाढली आहे. ज्या लोकांना लठ्ठपणा, मधुमेह आणि रक्तातील कोलेस्ट्रॉलचा त्रास असतो, त्यांच्या यकृतामध्ये चरबी जमा होण्याची शक्यता 60 टक्के जास्त असते. कोरोनाच्या काळात लोकांनी आपली प्रतिकारशक्ती वाढवण्यासाठी तुळस, आवळा, आले, हळद आणि गुळवेल यांसारख्या गोष्टींचा वापर केला. गुळवेल हे यकृतासाठी एक अत्यंत प्रभावी औषध आहे. पण हे सर्व घरगुती आणि आयुर्वेदिक उपाय डॉक्टरांच्या सल्ल्यानुसार आणि योग्य प्रमाणातच वापरावेत, नाहीतर त्याचे दुष्परिणाम होऊन यकृताला हानी पोहोचू शकते.