फुल नेटवर्क असुनही OTP येत नाहीये? फोनच्या मेसेज बॉक्समध्ये करा हा छोटासा बदल 

बऱ्याचदा, आपण एखाद्या अ‍ॅपमध्ये लॉग इन करतो. तेव्हा नेटवर्क अ‍ॅक्टिव्ह असतानाही मेसेज बॉक्समध्ये OTP दिसत नाही. यामुळे अनेकदा यूझर घाबरतात. तुमच्यासोबत असे घडले तर काळजी करण्याची गरज नाही. कधीकधी मेसेज किंवा OTP स्पॅम बॉक्समध्ये येतात, म्हणूनच ते इनबॉक्समध्ये दिसत नाहीत. काही सेटिंग्जमध्ये आवश्यक बदल करून तुम्ही स्पॅम बॉक्समधील मेसेज किंवा OTP सहजपणे पाहू शकता. कसे ते जाणून घेऊया...

ओटीपी किंवा वन-टाइम पासवर्ड हा एक सुरक्षा कोड आहे जो फक्त एकदाच आणि लिमिटेड काळासाठी काम करतो. तुम्ही एखाद्या अ‍ॅप किंवा वेबसाइटवर लॉग इन करता किंवा ऑनलाइन पेमेंटसाठी अ‍ॅपवर लॉग इन करता तेव्हा हा कोड तुमच्या मोबाइल नंबर, ईमेल अ‍ॅड्रेस किंवा इतर अ‍ॅपवर पाठवला जातो. त्याचा उद्देश तुमचे अकाउंट अधिक सुरक्षित करणे आहे. तुमच्या यूझरनेम आणि पासवर्ड व्यतिरिक्त ओटीपी आवश्यक केल्याने इतर कोणालाही तुमच्या अकाउंटमध्ये लॉग इन करण्यापासून रोखले जाते. ओटीपी वापरताच तो एक्सपायर्ड होतो, त्यामुळे तो फसवणूक आणि हॅकिंगपासून संरक्षण करण्यास मदत करतो.