विठ्ठलाच्या प्रसादात अळ्या आणि बुरशी! भाविकांच्या भावना दुखावल्या; समितीचा भोंगळ कारभार पुन्हा चव्हाट्यावर 

या घटनेमुळे मंदिर समितीचा ढिसाळ आणि भोंगळ कारभार पुन्हा एकदा चव्हाट्यावर आला आहे. सध्या मंदिर समितीचे अध्यक्षपद रिक्त असून, कार्यकारी अधिकारीही रजेवर आहेत. संपूर्ण कारभार 'प्रभारी' अधिकाऱ्यांच्या खांद्यावर असल्याने कामात हलगर्जीपणा होत असल्याचा आरोप भाविकांमधून केला जात आहे. विठ्ठलाच्या प्रसादाबाबत दाखवलेल्या या निष्काळजीपणामुळे भाविकांमधून तीव्र संताप व्यक्त होत आहे.

व्हिडिओ व्हायरल झाल्यानंतर खडबडून जागे झालेल्या मंदिर समितीने लाडूच्या पाकिटात अळी आढळल्याचे मान्य केले आहे. हा प्रकार गंभीर असून, संबंधित कामगारांना नोटीस बजावण्यात आली आहे आणि या प्रकरणाची सखोल चौकशी करण्याचे आदेश दिले आहेत, असे प्रभारी व्यवस्थापकांनी सांगितले.