आजपासून शनी तुमची घेणार परीक्षा! कोणावर येणार संकट? कोणाला मिळणार सुख?

ज्योतिषशास्त्रात शनिदेवांना कर्म, न्याय आणि शिस्तीचे प्रतीक मानले जाते. शनी ग्रह दर अडीच वर्षांनी राशी बदलतो आणि काही काळात तो वक्री म्हणजेच उलट दिशेने फिरणारा होतो.

आज, 13 जुलै 2025 रोजी शनी मीन राशीत वक्री होत आहे आणि ही स्थिती तब्बल 138 दिवस,म्हणजेच 28 नोव्हेंबर 2025 पर्यंत टिकणार आहे. या काळात शनीचा प्रभाव सर्व 12 राशींवर वेगवेगळा दिसून येईल. कुणासाठी ही वेळ फायदेशीर असेल, तर काहींसाठी अडचणी वाढवणारी ठरू शकते.

कसोटीचा काळ-   मेष : साडेसातीचा पहिला टप्पा सुरु असल्यामुळे अपघात, आर्थिक नुकसान, कुटुंबात वाद, आणि तणाव याचा सामना करावा लागेल. सिंह : शनिच्या ढैय्यामुळे खर्च वाढतील, आरोग्य बिघडेल, नोकरीतील तणाव वाढेल. धनु : वाद, कोर्टकेसेस, नुकसान आणि गुंतवणुकीत धोका, विद्यार्थ्यांना अपेक्षित यश न मिळण्याची शक्यता. मीन : साडेसातीचा दुसरा टप्पा सुरू. अपघात, आर्थिक नुकसान आणि वैयक्तिक संघर्ष संभवतो.

मिश्र परिणाम - मिथुन : काही कामांत अपयश, पण प्रेम व कौटुंबिक बाबतीत सकारात्मकता. व्यवसायात अडचणी. वृश्चिक : फारसा त्रास नाही पण फारसा फायदा देखील नाही. नोकरीत बदल आणि संतुलित आर्थिक स्थिती. कुंभ : साडेसातीचा शेवटचा टप्पा. आरोग्यावर विशेष लक्ष द्या. वाद किंवा फसवणुकीची शक्यता.

सकारात्मक काळ-  वृषभ : नोकरी व आरोग्यात सुधारणा, आर्थिक लाभ, नवी संधी. कर्क : यश, गुंतवणुकीत फायदा, प्रेम जीवन सुधारेल, कोर्ट प्रकरणात विजय. कन्या : आर्थिक प्रगती, जुन्या मित्रांची भेट, विवाहयोग्य व्यक्तींना संधी, आरोग्य सुधारणा. तूळ : मोठ्या पदावर बढती, व्यवसायात सुधारणा, विद्यार्थ्यांना यश. मकर : साडेसाती संपली. नशिबाची साथ, आर्थिक लाभ, बेरोजगारांना नोकरी, गुंतवणूक फायदेशीर.

काय करावे? -  सात्विक जीवनशैली ठेवावी, कोणत्याही आर्थिक किंवा कायदेशीर निर्णयात काळजी घ्यावी. शनिदेवाची पूजा, शनिवारच्या दिवशी तिळाचे तेल, काळे वस्त्र, आणि दान यांचे विशेष महत्त्व आहे. ज्यांच्यावर साडेसाती किंवा ढैय्याचा प्रभाव आहे, त्यांनी शनिच्या उपाययोजना करण्याचा सल्ला दिला जातो.