मंगळ ग्रहाची होणार 'अभिजित नक्षत्रात' एंट्री, 'या' राशींचे भाग्य सोन्यासारखे चमकणार; मिळणार कष्टाचं फळ आणि अफाट संपत्ती!

ज्योतिषशास्त्रामध्ये 'ग्रहांचा सेनापती' मानला जाणारा मंगळ जेव्हा आपली चाल बदलतो, तेव्हा त्याचा थेट परिणाम मानवी जीवनावर होतो. मंगळ हा ऊर्जा, धैर्य, भूमी आणि साहसाचा कारक आहे. आता मंगळ ग्रह अत्यंत शुभ मानल्या जाणाऱ्या 'अभिजित' नक्षत्रात प्रवेश करणार आहे.

24 जानेवारी 2026, शनिवार रोजी संध्याकाळी 6 वाजून 17 मिनिटांनी मंगळ अभिजित नक्षत्रात प्रवेश करेल आणि 30 जानेवारी 2026 पर्यंत याच नक्षत्रात राहील. अभिजित नक्षत्र हे 'विजयाचे प्रतीक' आणि सर्व दोषांपासून मुक्त मानले जाते. मंगळाचे हे संक्रमण विशेषतः 4 राशींसाठी वरदानापेक्षा कमी नसेल.

मेष: मेष राशीचा स्वामी स्वतः मंगळ आहे. अभिजित नक्षत्रातील हा प्रवेश तुमच्यासाठी अत्यंत लाभदायक ठरेल. रखडलेली सरकारी कामे मार्गी लागतील. जर तुम्ही नवीन नोकरीच्या शोधात असाल, तर मोठ्या कंपन्यांकडून उत्तम ऑफर मिळू शकतात. वडिलोपार्जित संपत्तीतून धनलाभ होण्याचे प्रबळ योग आहेत.

सिंह: सिंह राशीच्या लोकांसाठी मंगळाचे हे गोचर सुखद बातम्या घेऊन येईल. अनेक दिवसांपासून प्रलंबित असलेली तुमची महत्त्वाची कामे आता वेग घेतील. व्यापाराच्या निमित्ताने केलेले लांब पल्ल्याचे प्रवास फायदेशीर ठरतील. तुमची नेतृत्व क्षमता ओळखून कार्यक्षेत्रात तुम्हाला पदोन्नती मिळू शकते.

वृश्चिक: वृश्चिक राशीचा स्वामीही मंगळ असल्याने या नक्षत्रातील बदल तुमच्यासाठी शक्ती देणारा ठरेल. कोर्ट-कचेरीच्या प्रकरणांमध्ये तुम्हाला यश मिळेल. शत्रू तुमच्यासमोर नतमस्तक होतील. आर्थिक क्षेत्रात तुमची बचत वाढेल आणि गुंतवणुकीतून अपेक्षेपेक्षा जास्त नफा मिळेल.

मीन: मीन राशीच्या जातकांसाठी हे नक्षत्र परिवर्तन करिअरला नवीन दिशा देणारे ठरेल. कार्यक्षेत्रात तुमचे मत गांभीर्याने ऐकले जाईल. नवीन मालमत्ता किंवा वाहन खरेदी करण्याचे स्वप्न या काळात पूर्ण होऊ शकते. स्पर्धा परीक्षेची तयारी करणाऱ्या विद्यार्थ्यांना शुभ निकाल मिळतील.

मंगळाचे अभिजित नक्षत्रातील गोचर हे यशाचे द्वार उघडणारे आहे. 24 जानेवारीपासून सुरू होणारा हा काळ कष्टाळू व्यक्तींना त्यांच्या मेहनतीचे योग्य फळ मिळवून देईल. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)