East Facing House: पूर्वमुखी घर का सर्वात शुभ? पण 'वास्तु'चे हे नियम 90% लोक दुर्लक्षित करून चुकतात

East Facing House Vastu Tips: घराचे तोंड पूर्व दिशेला असणे ही वास्तुशास्त्रानुसार एक उत्तम स्थिती मानली जाते. पूर्व दिशा ही सूर्याची दिशा असल्याने तिला ऊर्जा, आरोग्य आणि सकारात्मकतेचे मुख्य केंद्र मानले जाते. सकाळी सूर्याची कोवळी किरणे थेट घरात प्रवेश करतात, त्यानं घराचे वातावरणच फ्रेश होत नाही, तर तिथे राहणाऱ्या व्यक्तींच्या मनावरही त्याचा प्रसन्न परिणाम होतो. मात्र, एखादे घर केवळ पूर्वमुखी आहे म्हणून ते पूर्णतः शुभ ठरत नाही; त्या घराची अंतर्गत मांडणी कशी आहे, यावरही त्याचे यश अवलंबून असते.