Sarvapitru Amavasya 2025: पितृ प्रसन्न होऊन कुटुंबाला देतील आशीर्वाद! राशीनुसार असा करावा दान-धर्म, लास्ट चान्स

Sarvapitru Amavasya 2025: पितृपक्ष सर्वपित्री अमावस्येला संपतो, यावर्षी सर्वपित्री अमावस्या रविवार, 21 सप्टेंबर 2025 रोजी आहे. सर्वात महत्त्वाचे म्हणजे, वर्षातील दुसरे आणि शेवटचे सूर्यग्रहण देखील याच दिवशी लागत आहे, ज्यामुळे त्याचे महत्त्व आणखी वाढलंय. सर्वपित्री अमावस्येला आपल्या कुटुंबातील मृत झालेल्यांसाठी श्राद्ध-विधी केले जातात. मृत्यु तिथी माहीत नसते किंवा अमावस्या, पौर्णिमा किंवा चतुर्दशी तिथीला मृत्युमुखी पडलेल्या लोकांचे श्राद्ध देखील या दिवशी केले जाते. धार्मिक श्रद्धेनुसार अमावस्येला केलेले श्राद्ध संपूर्ण कुळातील पूर्वजांच्या आत्म्याला तृप्त करते. यामुळे पूर्वजांचे आशीर्वाद सतत मिळत राहतात आणि जीवनात सुख आणि समृद्धी येते. ज्योतिषशास्त्रानुसार, अमावस्येला श्राद्धाव्यतिरिक्त, तुम्ही तुमच्या राशीनुसार काही वस्तू दान करून तुमच्या पूर्वजांनाही प्रसन्न करू शकता. सर्वपित्री अमावस्येला तुमच्या राशीनुसार या गोष्टी दान करा.