उद्याची रात्र 'या' 4 राशींसाठी ठरणार सुपरलकी, 12:42 मिनिटांनी सर्वच बदलणार; नशिबाची मिळणार साथ!

ज्योतिषशास्त्रामध्ये वैभव, ऐश्वर्य आणि सुखाचा कारक मानला जाणारा शुक्र ग्रह आता आपली चाल बदलणार आहे. उद्या, 22 फेब्रुवारी 2026 रोजी रात्री 12 वाजून 42 मिनिटांनी शुक्र राहूच्या शततारका नक्षत्रातून बाहेर पडून गुरूच्या 'पूर्वाभाद्रपद' नक्षत्रात प्रवेश करेल.

गुरू आणि शुक्राची ही ऊर्जा मिळून व्यक्तीला केवळ भौतिक सुखच देत नाही, तर करिअरमध्ये मोठी भरभराट आणि मान-सन्मान मिळवून देते. शुक्राचे हे नक्षत्र परिवर्तन या 4 राशींच्या जातकांसाठी 'सुवर्णकाळ' घेऊन येणार आहे.

पूर्वाभाद्रपद नक्षत्राचा स्वामी 'गुरु' आहे. शुक्र आणि गुरु हे दोन्ही शुभ ग्रह मानले जातात. जेव्हा शुक्राचा या नक्षत्रात संचार होतो, तेव्हा आर्थिक प्रगतीचे नवे मार्ग खुले होतात. विशेषतः ज्या व्यक्ती कला, प्रसारमाध्यमे, राजकारण किंवा व्यापार क्षेत्रात आहेत, त्यांना या काळात नशिबाची भक्कम साथ मिळेल.

मेष - उत्पन्नात प्रचंड वाढ: मेष राशीच्या लोकांसाठी शुक्राचे हे संक्रमण उत्पन्नाच्या दृष्टीने अत्यंत लाभदायी ठरेल. नोकरीमध्ये पगारवाढीचे योग आहेत. तुमची नेतृत्व करण्याची क्षमता वरिष्ठांना प्रभावित करेल. गुंतवणुकीतून मोठा परतावा मिळेल आणि बऱ्याच काळापासून रखडलेली कामे वेगाने पूर्ण होतील.

मिथुन - प्रदीर्घ इच्छा पूर्ण होतील: मिथुन राशीच्या जातकांसाठी हा काळ भाग्योदयाचा ठरेल. तुमच्या अनेक दिवसांपासून प्रलंबित असलेल्या इच्छा आता पूर्ण होऊ शकतात. परदेशात जाण्याचे किंवा परकीय चलनातून उत्पन्न मिळण्याचे मार्ग मोकळे होतील. धार्मिक कार्यांत तुमची रुची वाढेल आणि कुटुंबात आनंदाचे वातावरण राहील.

सिंह - व्यावसायिक प्रगती: सिंह राशीच्या लोकांसाठी हे संक्रमण 'राजयोग' घेऊन आले आहे. नोकरीत नवे अधिकार किंवा मोठी जबाबदारी सोपवली जाईल. व्यापाऱ्यांसाठी हा काळ सुवर्णसंधी देणारा असेल. आर्थिक अडचणी दूर होतील आणि समाजात तुमची नवी ओळख निर्माण होईल.

तूळ - प्रेम आणि वैवाहिक सौख्य: तूळ राशीचा स्वामी स्वतः शुक्र असल्याने या नक्षत्रातील प्रवेश तुम्हाला विशेष फळ देईल. वैवाहिक आयुष्यातील वाद संपुष्टात येतील. प्रिय जोडीदारासोबतचे नाते अधिक घट्ट होईल. मालमत्तेशी संबंधित वादात तुमचा विजय होईल आणि नवीन घर किंवा वाहन खरेदीचे स्वप्न पूर्ण होऊ शकते.