Shani Sade Sati 2025: साडेसाती मागं लागणार! 2025 साल या राशीसाठी त्रास-संकटाचे; पहिला टप्प्यात टेन्शन

शनी हा ग्रह मंदगती असल्याने तो दर अडीच वर्षांनी राशिपरिवर्तन करतो. त्यानुसार आता 2025 मध्ये शनी राशिपरिवर्तन करणार आहे. यामुळे काही राशी साडेसाती आणि अडीचकीतून मुक्त होणार असून, काही राशींचा साडेसातीचा फेरा सुरू होणार आहे. या राशी कोणत्या ते सविस्तर जाणून घेऊ या.

ज्योतिष शास्त्रात शनी हा क्रूर ग्रह मानला जातो. ज्या व्यक्तीवर शनीची वक्रदृष्टी पडते, त्याच्या जीवनात संकटांची मालिका सुरू होते. शनी मंदगती ग्रह असल्याने साडेसातीचा परिणाम दीर्घ काळ जाणवतो. 2025 मध्ये शनी कुंभ राशीतून बाहेर पडत गुरूच्या मीन राशीत प्रवेश करणार आहे. शनीच्या राशिपरिवर्तनामुळे काही राशींची साडेसाती, अडीचकी संपणार असून, काही राशींच्या अडचणी वाढायला सुरुवात होईल.

प्रत्येक व्यक्तीला त्याच्या जीवनात केव्हा ना केव्हा शनीची साडेसाती किंवा अडीचकीचा सामना करावाच लागतो. 29 मार्च 2025 रोजी शनी मीन राशीत प्रवेश करताच मेष राशीला साडेसाती सुरू होईल. तेव्हा मेष राशीला साडेसातीचा पहिला टप्पा सुरू होईल. साडेसातीत संबंधित व्यक्तीला समस्यांचा सामना करावा लागतो.

शनी राशीफळानुसार, 2025 हे वर्ष मेष राशीच्या व्यक्तींसाठी कठीण असू शकतं. शनीच्या साडेसातीचा दुष्परिणाम टाळण्यासाठी मेष राशीच्या व्यक्तींनी खर्च नियंत्रणात ठेवणं गरजेचं आहे. व्यवहारात सावधगिरी बाळगा. कागदपत्रांशिवाय कोणालाही मोठी रक्कम उधार किंवा कर्ज म्हणून देऊ नका.

मेष - वादविवादापासून दूर राहा. विनाकारण वाद टाळा. अनोळखी व्यक्तीवर डोळे झाकून विश्वास ठेऊ नका. विरोधक त्रास देतील. आरोग्याची काळजी घ्या. साडेसातीची तीव्रता कमी व्हावी यासाठी उपाय करा.

साडेसाती सुरू होताच मेष राशीच्या व्यक्तींना आर्थिक समस्या, आरोग्यविषयक समस्या, दुर्घटना, मानहानी, करिअरमध्ये आव्हानांचा सामना करावा लागेल. त्यामुळे 2025 या वर्षात साडेसातीमुळे मेष राशीच्या व्यक्तींना समस्या त्रस्त करतील. या राशीच्या व्यक्तींनी साडेसातीचे दुष्परिणाम टाळण्यासाठी पुरेशी सावधगिरी बाळगणं गरजेचं आहे.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)