उन्हाळ्यात अजिबात करु नका या 5 चुका! कारला लागू शकते आग, जीव येऊ शकतो धोक्यात

सध्याच्या दिवसात कारमध्ये आग लागण्याच्या घटना या वेगाने वाढताना दिसत आहेत. विशेषतः उन्हाळ्यात ही समस्या वाढते. उन्हाळ्याच्या वातावरणा, आफ्टर-मार्केट अॅक्सेसरीज, जुनी वायरिंग आणि खराब मेंटेनेन्समुळे दरवर्षी हजारो वाहनांना आग लागते. इंजिन ओव्हरहिटिंग, फ्यूल लीकेज किंवा शॉर्ट सर्किट सारख्या लहान-लहान चुका काही मिनिटांत लाखो गाड्यांचं नुकसान करु शकते.

यामुळे केवळ जीवितहानीच होत नाही तर वाहतूक कोंडी होते आणि आपत्कालीन सेवांमध्येही व्यत्यय येतो. विशेषतः उन्हाळ्यात, डॅशबोर्डवर ठेवलेले सॅनिटायझर, परफ्यूम किंवा पॉवर बँक "बॉम्ब" बनू शकतात. म्हणून, प्रत्येक कार मालकाने सतर्क राहिले पाहिजे. या लेखात, आम्ही पाच महत्त्वाच्या टिप्स शेअर करत आहोत ज्या केवळ तुमच्या कारचे संरक्षणच करणार नाहीत तर तुम्हाला सुरक्षित देखील ठेवतील.

रेग्युलर सर्व्हिसिंग करा : नेहमी मारुती, टाटा, हुंडई किंवा कोणत्याही ब्रँडच्या अधिकृत सर्व्हिस स्टेशनवर कार तपासा. ते ओरिजिनल स्पेयर पार्ट्स आणि सर्टिफाइड टूल्सचा वापर करतात. ज्यामुळे वायरिंग, इंजिन आणि फ्यूल सिस्टम पूर्णपणे सुरक्षित राहते. घरुगुती मॅकेनिक किंवा लोकल गॅरेजपासून बचाव करा. कारण स्वस्त पार्ट्स नंतर मोठी समस्या निर्माण करु शकतात. दर 6 महिन्यात इलेक्ट्रिकल चेकअप अवश्य करा. यामुळे लहान खराबी कळू शकते आणि आगीचा धोका 80% पर्यंत कमी होतो.

सुधारित आणि बाजारपेठेतील फिटिंग्ज टाळा : एक्स्ट्रा लाइट्स, म्यूझिक सिस्टम किंवा इतर कोणतेही अॅक्सेसरीज बसवताना, कारच्या मूळ वायरिंगमध्ये छेडछाड करू नका. आवश्यक असल्यास फ्यूज वापरा आणि बॅटरीची क्षमता तपासा. स्वस्त सीएनजी किट किंवा चार्जर देखील टाळा. खराब दर्जाचे भाग शॉर्ट सर्किट होऊ शकतात. नेहमी OEM-मंजूर भाग निवडा. हे इलेक्ट्रिकल ओव्हरलोडिंग टाळते आणि दीर्घकालीन सुरक्षितता सुनिश्चित करते.

कोणताही धूर, वास किंवा वॉर्निंगकडे दुर्लक्ष करु नका :कारच्या खाली तेलाचे डाग दिसले, पेट्रोल-डिझेलचा वास आला किंवा डॅशबोर्डवर चेक इंजिन/टेम्परेचर लाइट जळत असेल तर लगेट मॅकेनिकजवळ घेऊन जा. इंजिन गार झाल्यानंतर बोनट ओपन करा. उन्हाळ्यात डॅशबोर्डवर काहीच ठेवू नका. लायटर, परफ्यूम किंवा पॉवर बँक काढून ठेवा. ही लहानशी सावधगिरी मोठी दुर्घटना टाळू शकते.

तुमच्या गाडीत फायर एक्सटिंग्विशर ठेवा : ड्रायव्हरच्या सीटजवळ किंवा सहज पोहोचणाऱ्या ठिकाणी एबीसी-रेटेड एक लहान फायर एक्सटिंग्विशर ठेवा. पहिल्या 30 सेकंदात ते वापरल्याने लहान आग विझते. दाब योग्य आहे याची खात्री करण्यासाठी दरवर्षी ते तपासा. अनेक आधुनिक गाड्यांमध्ये स्टँडर्ड म्हणून येतात, परंतु जर नसेल तर ताबडतोब एक घ्या. ते तुमचे आयुष्य आणि कार दोन्ही वाचवू शकते.

डॅशबोर्ड वॉर्निंग लाइट्स आणि टूल्सवर नजर ठेवा : टेम्बरेचर गेज, चेक इंजिन किंवा बॅटरी लाइटला कधीच इग्नोर करु नका. सोबतच कारमध्ये सीटबेल्ट कटर आणि विंडो ब्रेकर टूल्स अवश्य ठेवा. कारण आगीमध्ये इलेक्ट्रिकल सिस्टम फेल होऊन डोर लॉक होऊ शकते. बोनटच्या खाली धूर निघाला तर अजिबात ओपन करु नका. यामुळे आग आणखी भडकू शकते. किमान 100 फूट दूर जा आणि फायर ब्रिगेडला कॉल करा.

बोनस टिप्स : कारमध्ये कधीच स्मोकिंग करु नका. इंधन भरताना इंजिन बंद ठेवा. ईव्हीमध्ये सर्टिफाइड चार्जरचाच वापर करा. वेळोवेळी बॅटरी हेल्थ चेक करत राहा.

या सावधगिरी पाळून तुम्ही तुमची कार वाचवू शकता. यासोबतच कुटुंबही सुरक्षित ठेवू शकता. नियमित चेकअप आणि सतर्कता सर्वात मोठा बचाव आहे. आजच आपल्या कारचे इंस्पेक्शन करा आणि इंजिन टिप्स फॉलो करा. सुरक्षित ड्रायव्हिंग करणे खुप गरेजेच आहे. गाडी चालवताना स्वतः सीटबेल्ट घाला आणि सोबत बसलेल्या लोकांनाही सीट बेल्ट लावण्याचा सल्ला द्या.