Automobile Budget 2026: आता स्वस्त होणार इलेक्ट्रिक गाड्या! लीथियम आयन बॅटरीच्या किंमती घटल्या

Automobile Budget 2026: देशातील बजेट 2026 मध्ये अर्थमंत्र्यांनी इलेक्ट्रिक वाहन प्रेमींना एक मोठं गिफ्ट दिलं आहे. सरकारने भारताला ग्लोबल ईव्ही हब बनवण्याच्या दिशने एक पाऊल टाकत लीथियम आयन बॅटरीच्या निर्मितीमध्ये वापरल्या जाणाऱ्या कच्चा मालावर कस्टम ड्यूटी कमी करणे आणि जीएसटी चौकटीत मोठ्या सुधारणा करण्याची घोषणा केली आहे. या निर्णयानंतर आता येणाऱ्या काळात इलेक्ट्रिक कार, स्कूटर आणि सायकलच्या किंमतींमध्ये मोठी घट होण्याची आशा आहे.

बॅटरीचा खर्च 15-20% कमी करता येतो : इलेक्ट्रिक वाहनाच्या एकूण खर्चापैकी अंदाजे 40 ते 50 टक्के खर्च त्याची बॅटरी असते. अर्थसंकल्पात लिथियम, कोबाल्ट आणि निकेल सारख्या महत्त्वाच्या खनिजांवरील आयात शुल्क कमी केल्याने बॅटरी उत्पादन स्वस्त होईल. तज्ञांचा असा विश्वास आहे की या निर्णयामुळे बॅटरी उत्पादन खर्च 15 ते 20 टक्क्यांनी कमी होईल, ज्याचा थेट फायदा ग्राहकांना होईल.

सर्वसामान्यांच्या खिशावर काय परिणाम होईल? : बॅटरी स्वस्त होण्याचा अर्थ आता इलेक्ट्रिक गाड्या सर्वसामान्य पेट्रोल-डिझेल गाड्यांच्या किंमतीच्या जवळपास येतील.

इलेक्ट्रिक स्कूटरच्या किमती ₹10,000 ते 20,000 पर्यंत कमी होऊ शकतात. मध्यमवर्गीयांमध्ये आवडत्या इलेक्ट्रिक कारच्या किमती ₹1.5 लाख ते ₹2.5 लाखांपर्यंत कमी होऊ शकतात.

बॅटरी रिप्लेसमेंट : ज्या लोकांजवळ पहिलेच ईव्ही आहे, त्यांच्यासाठी जुनी बॅटरी बदलणे आता जुन्याच्या तुलनेत खुप स्वस्त होईल.

'मेक इन इंडिया' आणि रोजगाराला चालना मिळेल : सरकारने अर्थसंकल्पात केवळ कर कमी केले नाहीत तर बॅटरी उत्पादनासाठी (ACC-PLI योजना) अतिरिक्त निधी देखील दिला. यामुळे देशात बॅटरी सेल उत्पादन कारखाने स्थापन होण्यास प्रोत्साहन मिळेल, ज्यामुळे परकीय देशांवरील (विशेषतः चीन) अवलंबित्व कमी होईल. यामुळे केवळ परकीय चलन वाचणार नाही तर या क्षेत्रात हजारो नवीन रोजगार निर्माण होतील.

एकूणच, बजेट 2026 ने स्पष्ट केलेय की, सरकारचं पूर्ण लक्ष प्रदूषणमुक्त वाहतूक आणि स्वस्त इलेक्ट्रिक मोबिलिटीवर आहे. बॅटरीच्या किंमतींमध्ये ही कपात भारतातील रस्त्यांवर 'ग्रीन रिवॉल्यूशन' चा वेग वाढवेल.