Thane Traffic Alert : ठाणेकरांनो पुढचे सहा तास 'हे' दोन रस्ते राहणार बंद, कारण…

ब्रम्हांड जंक्शन, मुल्लाबाग बस डेपोजवळ, घोडबंदर रोड येथे फुटपाथ लगत दोन्ही बाजुच्या पिलरचे काम करण्यात येणार आहे. त्यावर 48 मिटर लांब, 3. 80 मिटर रुंद आणि 4 मीटर उंच लोखंडी गर्डर लाँच करण्याचे ठरवले आहे. हे काम, आज रात्री (7 एप्रिल) 23.55 मिनिटांपासून ते उद्या पहाटे (8 एप्रिल) 06.00 वाजेपर्यंत करण्यात येणार आहे. परिसरात वाहतूक कोंडी होऊ नये, वाहतूक सुरळीत आणि सुनिश्चित होणे सामान्य नागरिकांच्या जनतेच्या सोईसाठी आवश्यक आहे.

ठाणे घोडबंदर वाहिनीवर मानपाड्याच्या एमजी मोटर्स शोरुमजवळ आणि मानपाडा ब्रिजवर जाणाऱ्या सर्व प्रकारच्या वाहनांना मानपाडा ब्रिजच्या चढणीवर 'प्रवेश बंद' करण्यात येणार आहे. ठाणे घोडबंदर रोडने येणारे सर्व वाहनांना मानपाडा ब्रिजच्या बाजुच्या स्लीप रोडने नागोरी टी स्टॉल येथून डावीकडे वळून टिकुजीनी वाडी सर्कल वरुन उजवीकडे वळून वेरिएंट निळकंठ ग्रीन समोरील रोडने मुल्लाबाग कट येथुन इच्छित स्थळी जाऊ शकणार आहेत.

बंद मार्ग कोणते आणि पर्यायी मार्ग कोणते हे व्यवस्थित पाहूनच ठाणेकरांनी आज रात्री प्रवास करायचा आहे.