Bike Mileage : रोज कामासाठी 10 किमी प्रवास करता? मग किती CC ची बाईक ठरेल फायदेशीर? कोणती वाचवेल तुमचे पैसे

आपण जेव्हा नवीन बाईक घ्यायचा विचार करतो, तेव्हा डोळ्यासमोर अनेक स्टायलिश आणि पॉवरफुल गाड्या येतात. पण, बाईक घेताना सर्वात महत्त्वाचा प्रश्न असतो की कोणती गाडी घ्यावी किंवा किती CC ची बाईक घ्यावी ज्यामुळे पैसे वाचेल? खरंतर यासाठी स्वतःला हा विचारला पाहिजे की, "माझा रोजचा प्रवास किती आहे?" अनेकदा आपण शोभेसाठी किंवा वेगासाठी मोठी बाईक घेतो, पण तिचा वापर फक्त घरापासून ऑफिसपर्यंतच्या छोट्या अंतरासाठीच होतो.

जर तुमचा रोजचा प्रवास केवळ 10 किलोमीटर (5 किमी जाणे आणि 5 किमी येणे) असेल, तर हा एक अत्यंत कमी अंतराचा प्रवास मानला जातो. अशा प्रवासासाठी बाईक निवडताना वेग किंवा पॉवरपेक्षा 'मायलेज' आणि 'मेंटेनन्स' या दोन गोष्टी सर्वात महत्त्वाच्या ठरतात. चला तर मग जाणून घेऊया, तुमच्या खिशाला परवडणारी 'परफेक्ट' बाईक नक्की किती CC ची असावी.

100 cc ते 125 cc सेगमेंट : बचतीचा 'सुपर' मंत्रज्यांचा रोजचा प्रवास 10 किमीच्या आसपास आहे, त्यांच्यासाठी 100 cc ते 125 cc इंजिन क्षमतेची बाईक हा सर्वात फायदेशीर सौदा आहे.या सेगमेंटमधील बाईक्स खास करून जास्तीत जास्त मायलेज देण्यासाठीच तयार केल्या जातात. या गाड्या प्रति लिटर 60 ते 80 किलोमीटर पर्यंतचे जबरदस्त मायलेज सहज देतात.या गाड्या वजनाला हलक्या असल्याने ट्रॅफिकमध्ये चालवणे आणि पार्क करणे सोपे असते. तसेच, यांचा मेंटेनन्स खर्च (Service Cost) अत्यंत कमी असतो, ज्यामुळे महिन्याकाठी तुमची मोठी बचत होते.

जर तुम्हाला फक्त 10 किमी प्रवास करायचा आहे, पण कधीतरी महिन्यातून एक-दोनदा तुम्ही 100-200 किमी लांबच्या प्रवासाला (हायवेवर) जाणार असाल, तर तुम्ही 150 cc ते 200 cc चा विचार करू शकता.या गाड्यांमध्ये पिकअप चांगला असतो आणि सीट जास्त आरामदायी असते.पण लक्षात ठेवा, या गाड्यांचे मायलेज 40 ते 50 किमी पर्यंत खाली येते आणि त्यांचा मेंटेनन्स खर्चही जास्त असतो. फक्त 10 किमीच्या शहरी प्रवासासाठी ही बाईक 'ओव्हरकिल' ठरू शकते.

मोठी इंजिन क्षमता (250 cc आणि त्यापुढे) का टाळावी?रोजच्या 10 किमी प्रवासासाठी 250 cc किंवा त्यापेक्षा जास्त क्षमतेची बाईक घेणे म्हणजे 'पैशांचा अपव्यय' ठरू शकतो.एवढ्या मोठ्या इंजिनच्या गाड्या हायवेवर वेगाने धावण्यासाठी बनवलेल्या असतात. 10 किमीच्या छोट्या प्रवासात या गाड्यांचे इंजिन पूर्णपणे गरमही होत नाही, ज्याचा इंजिनच्या आयुष्यावर परिणाम होऊ शकतो.या गाड्यांचे मायलेज केवळ 25 ते 35 किमी असते आणि त्यांची सर्व्हिसिंग आणि सुटे भाग (Spare Parts) खूप महाग असतात. 10 किमीच्या प्रवासासाठी एवढी मोठी गुंतवणूक करणे शहाणपणाचे ठरणार नाही.

फायनल व्हर्डिक्ट पैशांची बचत कशी होईल?रोजच्या 10 किमी प्रवासासाठी 100 cc ते 125 cc इंजिनची बाईक ही केवळ गरज नाही, तर तो एक 'स्मार्ट इकॉनॉमिकल डील' आहे. जेव्हा प्रवास छोटा असतो, तेव्हा प्रत्येक किलोमीटरला लागणारा खर्च (Running Cost) कमी असणे महत्त्वाचे असते. या सेगमेंटमधील बाईक तुमचे इंधनाचे पैसे वाचवतात आणि वर्षाकाठी सर्व्हिसिंगचा मोठा खर्चही वाचवतात.

जर तुम्हाला शहरातल्या ट्रॅफिकमधून सहज वाट काढायची असेल आणि खिशावर ताण न देता प्रवास करायचा असेल, तर डोळे झाकून 100 ते 125 CC ची बाईक निवडा. हीच बाईक तुमचे पैसे खऱ्या अर्थाने वाचवेल.