आली दमदार SUV, मुंबई-पुणे कितीही फिरा, रेंज 2000 किमी अन् किंमत फक्त 13 लाख!

वाढते इंधनाचे दर आणि प्रदुषणामुळे इलेक्ट्रिक वाहनं खरेदी करण्याकडे लोकांचा कल वाढला आहे. सध्या मार्केटमध्ये एकापेक्षा एक अशा दमदार आणि उत्तम रेंजच्या कार उत्पादन करण्याचा कल वाढला आहे. अशातच चीनची प्रसिद्ध कंपनी BYD ने आणखी एक रेंज क्वीन कार लाँच केली.  चीनमध्ये BYD Seal 06 DM-i प्लग-इन हायब्रिड स्टेशन वॅगन लाँच करण्यात आला आहे. या कारची रेंज थोडी थोडकी नव्हे तर तब्बल २००० किमी इतकी आहे. ही एक हायब्रिड कार आहे. विशेष म्हणजे, या कारची किंमत तिथे फक्त  १०९,८०० युआन भारतीय चलनामध्ये सुमारे १३ लाख रुपये आहे.  

युरोपच्या तुलनेत स्टेशन वॅगन चीनमध्ये तितके लोकप्रिय नाहीत. पूर्वी, काही प्रसिद्ध देशांतर्गत वाहन उत्पादकांनी अशा कार बनवल्या होत्या, कारण ग्राहक उंच एसयूव्हीमध्ये प्रवास करणे पसंत करत होते. नवीन पॉवर बेस कार आल्यानंतर चित्र पालटलं आणि स्टेशन वॅगन तयार झाली. कमी बॉडी आणि शानदार लूक, NEV वॅगन क्रॉसओव्हरपेक्षा अधिक कार्यक्षम असल्याचं समोर आलं.

न्यू एनर्जी स्टेशन वॅगन - गेल्या पाच वर्षांत, चिनी वाहन उत्पादकांनी अनेक नवीन ऊर्जा स्टेशन वॅगन लाँच केल्या आहेत. या यादीत Zeekr 001, Zeekr 007 GT, Nio ET5 Touring, Denza Z9 GT, Neta S आणि इतर मॉडेल्सचा समावेश आहे.

गमंत म्हणजे, यापैकी बहुतेक कार आधीच युरोपियन बाजारपेठेत पोहोचल्या आहेत किंवा पोहोचण्याच्या मार्गावर आहेत. CarNewsChina मधील एका सूत्रानुसार, BYD युरोपियन खरेदीदारांसाठी BYD Seal 06 DM-i वॅगन आणण्याची योजना आखत आहे.

BYD Seal 06 DM-i वॅगन बाहेरून एखाद्या सेडान कारशी जुळते. नवीन मॉडेल गुळगुळीत बॉडी शेपसह “मरीन एस्थेटिक्स” बॉडी लँग्वेजसारखीच आहे.

त्याच्या पुढच्या भागात पातळ LED हेडलॅम्प आणि उलटे ट्रॅपेझ-आकाराचे ग्रिल आहे. कारमध्ये लपलेले दरवाजाचे हँडल, काळे खांब आणि एकच टेललाइट युनिट देखील आहे. Seal 06 DM-i वॅगन 4850/1890/1505 मिमी आहे. व्हीलबेस 2,790 मिमी इतका आहे. कारचा ड्रॅग कोफिशिएंट ०.२८४ Cd आहे.

१.५-लिटर एस्पिरेटेड इंजिन - Seal 06 DM-i वॅगनमध्ये BYD ची पाचव्या जनरेशनमध्ये प्लग-इन हायब्रिड सिस्टम वापरली आहे. त्याच्या एंट्री-लेव्हल व्हेरियंटमध्ये १.५-लिटर नॅचरली एस्पिरेटेड इंजिन आहे जे ७४ किलोवॅट (९९ एचपी) पॉवर देते आणि १२०-किलोवॅट (१६१ एचपी) इलेक्ट्रिक मोटरसह जोडलेले आहे. हा व्हेरियंट ८.७ सेकंदात १०० किमी/ताशी वेग गाठतो.