HSRP नंबर प्लेटची मुदत वाढणार का? अजून गाडीला नसेल लावली तर पर्याय काय? वाचा सविस्तर

भारतातील जवळ-जवळ सगळ्याच राज्यांमध्ये वाहनधारकांसाठी हाय सिक्युरिटी रजिस्ट्रेशन प्लेट (HSRP) लावणे अनिवार्य करण्यात आलं आहे. वाहनांची चोरी, बनावट नंबर प्लेट्स आणि वाहतूक नियमांचे उल्लंघन रोखण्यासाठी सरकारने ही व्यवस्था लागू केली. जुन्या काळात वापरल्या जाणाऱ्या साध्या नंबर प्लेट्सपेक्षा HSRP अधिक सुरक्षित असून त्यावर खास होलोग्राम, लेसर कोड आणि युनिक सीरियल नंबर दिलेला असतो. त्यामुळे वाहनाची खरी ओळख पटवणे सोपे जाते आणि गैरवापर टाळला जातो.

तसं पाहाता आता लोकांना हाय सिक्युरिटी रजिस्ट्रेशन प्लेट काय आहे हे माहित झालं आहे. पण ज्यांना माहित नाही त्यांच्यासाठी म्हणून सांगतो की, हाय सिक्युरिटी रजिस्ट्रेशन प्लेट (HSRP) म्हणजे वाहनावर लावली जाणारी सुरक्षित आणि सरकारी मान्यताप्राप्त कोड, क्रोमियम बेस्नंबर प्लेट आहे. यात लेसरड होलोग्राम आणि युनिक सीरियल नंबर असतो. चोरी, बनावट प्लेट्स आणि गैरवापर रोखण्यासाठी ही व्यवस्था करण्यात आली आहे.

मुदत वाढीबाबत काय परिस्थिती आहे?
वाहनधारकांसाठी सरकारने HSRP लावणे अनिवार्य केलं आहे. मात्र विविध राज्यांमध्ये वाहनधारकांकडून मोठ्या प्रमाणात अर्ज होत असल्याने अंतिम तारीख वारंवार वाढवली जाते. त्यामुळेच अनेकांना प्रश्न पडतो. अजून वेळ आहे का?

महाराष्ट्र राज्यसरकारने आता ही मुदत 30 नोव्हेंबर केली आहे. यातारखेसाठी अजून दोन महिने आहेत, असं मानत अनेक लोक आता शांत बसले आहेत. पुन्हा वेळ येईल तेव्हा पाहू किंवा सरकार आणखी मुदतवाढ देईल या विचारावर अनेक लोक याकडे कानाडोळा करत आहेत.

पण मुदतवाढ होणार का?
समोर आलेल्या मीडियारिपोर्टनुसार अजून तरी तारिख वाढवण्याचा राज्यसरकारचा कोणताही निर्णय झालेला नाही. ३० नोव्हेंबरपर्यंत वाहन मालकांना पुरेसा वेळ दिलेला आहे त्यामुळे वाहन मालकांनी ते दिलेल्या वेळेत पूर्ण करणं गरजेचं आहे असं म्हणणं आहे. त्यामुळे मुदत वाढ आता मिळणार नाही असंच काहीसं चित्र दिसतंय.

सध्याच्या स्थितीनुसार, ज्या वाहनांवर अजून HSRP बसवलेलं नाही त्यांच्यावर दंड आकारला जाऊ शकतो. काही राज्य सरकारांनी मागणी लक्षात घेऊन मुदत वाढवण्याचा विचार केला आहे, पण अंतिम निर्णय नेहमी परिवहन विभागाच्या अधिसूचनेवर अवलंबून असतो.

अजून HSRP नंबर प्लेट नसेल केलं तर पर्याय काय?

ऑनलाइन अर्ज करा
अधिकृत पोर्टलवर (राज्य परिवहन विभाग किंवा अधिकृत डीलर वेबसाइट) जाऊन HSRP साठी अर्ज करता येतो.
वाहन क्रमांक, चेसिस नंबर, इंजिन नंबर अशी माहिती द्यावी लागते.

ऑफलाइन पद्धत
RTO किंवा अधिकृत डीलरकडे थेट जाऊन HSRP साठी अर्ज करता येतो.
स्लॉट मिळाल्यावर ठरलेल्या दिवशी नंबर प्लेट बसवली जाते.

तात्पुरता उपाय नाही
सध्या HSRP ऐवजी कुठलीही पर्यायी नंबर प्लेट मान्य नाही.
जुन्या नंबर प्लेटवरच वाहन चालवल्यास दंड होऊ शकतो.

HSRP नंबर प्लेट ही केवळ औपचारिकता नसून सुरक्षा उपाय आहे. सरकारकडून मुदत वाढवली जाण्याची शक्यता असली तरी अनिश्चिततेवर अवलंबून न राहता लवकरात लवकर HSRP बसवणे हेच योग्य ठरेल. यामुळे दंडापासून वाचता येईल आणि वाहनाची सुरक्षित नोंदणीही कायम राहील.