Car नव्हे बंगला! Mercedes ने आणली 6 सीटर लक्झरी MPV, 'या' किंमतीत येतील 4 Thar!

चित्रपटसृष्टीतील कलाकार आणि मोठ्या सेलिब्रिटींना प्रवासात ज्या गाडीची सर्वात जास्त आवड असते, ती म्हणजे Mercedes-Benz V-Class. आता ही लक्झरी व्हॅन नव्या अवतारात भारतात आली आहे. आज म्हणजेच 2 मार्च 2026 रोजी Mercedes Benz ने V class लाँच केली आहे.

आधीपेक्षा अधिक प्रीमियम लुक, आधुनिक तंत्रज्ञान आणि प्रायव्हेट सूटसारखा आराम देणारी ही गाडी खास चालकासह प्रवास करणाऱ्यांसाठी तयार करण्यात आली आहे. मोठी जागा, शांत केबिन आणि लक्झरी फीचर्स यामुळे ही व्हॅन वेगळी ओळख निर्माण करते.

नवीन V-Class मध्ये AMG Line स्टायलिंग स्टँडर्ड देण्यात आले आहे, ज्यामुळे गाडी अधिक स्पोर्टी आणि आकर्षक दिसते. समोर मोठी स्टार-पॅटर्न ग्रिल आणि मल्टी-बीम LED हेडलाइट्स आहेत, जे रात्री उत्तम प्रकाश देतात आणि प्रीमियम लुक वाढवतात.

गाडीची लांबी 5,370 मिमी आणि 3,430 मिमी लांब व्हीलबेस असल्यामुळे तिची रस्त्यावर मजबूत उपस्थिती जाणवते. इलेक्ट्रिक स्लायडिंग दरवाजे प्रवाशांना सहज आत-बाहेर येण्यासाठी मदत करतात, तर मागील इलेक्ट्रिक टेलगेट आणि वेगळे उघडणारे काच दैनंदिन वापर अधिक सोपा करतात.

ही व्हॅन 4-सीटर आणि 6-सीटर पर्यायात उपलब्ध आहे. 4-सीटर व्हर्जनमध्ये मागील दोन मोठ्या कॅप्टन सीट्स आहेत, ज्यामध्ये लेग सपोर्ट, मसाज, कूलिंग आणि हीटिंग सुविधा दिल्या आहेत, त्यामुळे लांब प्रवासात पूर्ण आराम मिळतो. 6-सीटर व्हर्जनमध्ये मधल्या सीट्स फिरवता येतात, त्यामुळे समोरासमोर बसून चर्चा किंवा मीटिंग घेता येते. प्रीमियम लेदर अपहोल्स्ट्री आणि अॅम्बिएंट लाइटिंगमुळे केबिनमध्ये शांत आणि लक्झरी वातावरण तयार होते

या मॉडेलमध्ये Airmatic एअर सस्पेन्शन स्टँडर्ड आहे, जे भारतीय रस्त्यांसाठी खास ट्यून केले आहे. खड्डे, स्पीड ब्रेकर किंवा खराब रस्त्यावरही गाडी मऊ आणि स्थिर राहते. लांब व्हीलबेसमुळे हायवेवर गाडी अधिक स्थिर चालते आणि मागील प्रवाशांना धक्के कमी जाणवतात.

समोर 12.3-इंच डिजिटल ड्रायव्हर डिस्प्ले आणि 12.3-इंच टचस्क्रीन दिली आहे, ज्यामध्ये वायरलेस Android Auto आणि Apple CarPlay उपलब्ध आहेत. 650W, 15-स्पीकर Burmester साउंड सिस्टीम Dolby Atmos सह दिली आहे, ज्यामुळे थिएटरसारखा साउंड अनुभव मिळतो. 360-डिग्री कॅमेरा, अ‍ॅडॅप्टिव्ह क्रूझ कंट्रोल आणि ड्रायव्हर मॉनिटरिंग सिस्टम यांसारख्या आधुनिक सुविधा देखील देण्यात आल्या आहेत.