5 स्टार हॉटेलमध्ये नोकरी अन् लाखो रुपये मिळेल सॅलरी; फक्त त्याआधी इथून करावा लागेल हा कोर्स

IHM Delhi - इन्स्टिट्यूट ऑफ हॉटल मॅनेजमेंट केटरिंग अँड न्यूट्रीशन कॉलेज हे दिल्लीतील एक प्रसिद्ध कॉलेज आहे. या कॉलेजची स्थापना 1962 मध्ये झाली होती. भारत सरकारच्या वतीने हे कॉलेज सुरू करण्यात आले. या कॉलेजच्या प्लेसमेंटचा विचार केला असता 2019 मध्ये 100 टक्के विद्यार्थ्यांना प्लेसमेंट मिळाले होते. या कॉलेजमध्ये प्रवेशासाठी एनसीएचएमसीटी जेईई (NCHMCT JEE) ही परीक्षा द्यावी लागते. या परिक्षेच्या आधारावर याठिकाणी विद्यार्थ्यांची निवड होते. याठिकाणी हॉस्पिटॅलिटीच्या क्षेत्रात डिप्लोमा, पदवी तसेच पदव्युत्तर पदवीचे शिक्षण घेतले जाते.

जामिया मिलिया इस्लामिया - जर तुम्हाला एका चांगल्या कॉलेजमधून हॉटेल मॅनेजमेंटचे शिक्षण घ्यायचे असेल तर तुम्ही जामिया मिल्लिया या ठिकाणीही प्रवेश घेऊ शकतात. या कॉलेजची स्थापना ही 1920 मध्ये झाली होती. याठिकाणी हॉटेल मॅनेजमेंटमध्ये डिप्लोमा, पदवी तसेच पदव्युत्तर पदवीचे शिक्षण घेऊ शकतात.

दिल्ली इन्स्टिट्यूट ऑफ हॉटल मॅनेजमेंट अँड केटरिंग टेक्नोलॉजी (DIHM) - भारतातील अत्यंत बेस्ट हॉटेल मॅनेजमेंट कॉलेजांच्या यादीत DIHM दिल्ली या संस्थेला विशेष स्थान देण्यात आले आहे. या कॉलेजची स्थापना 1983 मध्ये झाली होती. याठिकाणी तुम्ही डिप्लोमा, पदवी तसेच पदव्युत्तर पदवी तसेच सर्टिफिकेशन कोर्स करू शकतात.

द हॉटल स्कूल - द हॉटल स्कूल हे नवी दिल्लीच्या कापसहेडा याठिकाणी आहे. 2011 मध्ये याची स्थापना झाली होती. या संस्थेला TISS-SVE कडून सतत दोन वर्षांपासून अॅचिव्हर ऑफ द इयर या पुरस्काराने सन्मानित केलं जात आहे. तर अशा प्रतिष्ठित शिक्षण संस्थांमधून तुम्ही हॉटेल मॅनेजमेंटचे शिक्षण घेतल्यावर लाखो रुपयांची नोकरी मिळवू शकतात.