100 कोटी ते 2000 कोटी, FD मध्ये अक्षय कुमारची मोठी गुंतवणूक, एकूण संपत्ती पाहून पायाखालची जमीन सरकेल

मुंबई: बॉलिवूडचा ‘खिलाडी’ अक्षय कुमार फक्त चित्रपटांमध्येच नाही, तर त्याच्या वैयक्तिक आयुष्यातही खूप यशस्वी आहे. नुकताच तो ‘द ग्रेट इंडियन कपिल शो’ च्या शेवटच्या एपिसोडमध्ये आला होता.

या शोमध्ये त्याने अनेक मजेदार किस्से सांगितले, पण त्यात एक किस्सा असा होता, ज्यामुळे सगळेच थक्क झाले. त्याने त्याच्या १०० कोटींपासून २००० कोटींपर्यंतच्या फिक्स्ड डिपॉझिट्सबद्दल एक मोठा खुलासा केला आहे.

कपिल शर्माने अक्षय कुमारला विचारलं की, “एक असा क्षण येतो, जेव्हा आपल्याला वाटतं की आता आपलं भविष्य सुरक्षित आहे. असा क्षण तुझ्या आयुष्यात कधी आला?”

या प्रश्नावर अक्षय कुमार हसला आणि म्हणाला, “मी खूप जुनी गोष्ट सांगतोय. मी एक बातमी वाचली होती की, जितेंद्र सरांची १०० कोटींची FD आहे. ती बातमी वाचून मी धावत-धावत माझ्या वडिलांकडे गेलो आणि त्यांना विचारलं की, ‘डॅडी, १०० कोटींच्या FD वर किती व्याज मिळतं?’”

त्यावेळी व्याजाचा दर १३% होता, त्यामुळे महिन्याला १.३ कोटी रुपये मिळायचे. ही गोष्ट कळल्यावर अक्षयला खूप आश्चर्य वाटलं. तो म्हणाला, “त्यानंतर मी आधी १०० कोटी, मग १००० कोटी आणि नंतर २००० कोटींची FD केली. हा प्रवास सुरूच होता.”

‘इंडिया टुडे’ला दिलेल्या मुलाखतीत अक्षयने सांगितलं होतं की, जेव्हा तो इंडस्ट्रीत आला, तेव्हा त्याला फक्त १० कोटी रुपये कमवायचे होते. पण, जितेंद्र आणि एकता कपूरच्या FD बद्दल ऐकल्यावर त्याने १०० कोटी कमवण्याचा निश्चय केला.

या एपिसोडमध्ये अक्षयने त्याच्या करिअरमधील सर्व स्टंटमॅनलाही भेटवलं. तो म्हणाला की, आज तो जो काही आहे, त्यामागे या लोकांचा खूप मोठा हात आहे.

२०२५ मध्ये, फोर्ब्सने अक्षय कुमारची एकूण संपत्ती २,७०० कोटी रुपये असल्याचा अंदाज लावला होता. यातील मोठा वाटा त्याच्या अभिनय कारकिर्दीतून, ब्रँड जाहिरातींमधून आणि गुंतवणुकीतून येतो.

द इंडियन एक्सप्रेसच्या वृत्तानुसार, तो प्रत्येक चित्रपटासाठी ६० कोटी ते १४५ कोटी रुपये मानधन घेतो, ज्यामुळे तो भारतातील सर्वाधिक मानधन घेणाऱ्या अभिनेत्यांपैकी एक बनतो.