Amitabh Bachchan : 'मी सगळ्यांची जाहीर माफी मागतो'; बिग बींनी थेट हातच जोडले, झालं काय?

बॉलिवूडचे महानायक अमिताभ बच्चन यांनी सोशल मीडियावर एक पोस्ट शेअर करत चाहत्यांची माफी मागितली आहे.

अमिताभ बच्चन सध्या 'KBC 17'मध्ये सहभागी झालेल्या उद्धट मुलाच्या वागणुकीमुळे चर्चेत आहेत. सोशल मीडियावर काही जण या उर्मट मुलाला पाठिंबा देताना दिसत आहेत. तर काहींनी मात्र निशाणा साधला आहे.

अमिताभ बच्चन यांनी 11 ऑक्टोबरला आपला 83 वा वाढदिवस साजरा केला. सोशल मीडियाच्या माध्यमातून अमिताभ बच्चन यांना त्यांच्या कोट्यवधी चाहत्यांनी वाढदिवसाच्या शुभेच्छा दिल्या.

अमिताभ बच्चन यांना मात्र सोशल मीडियाच्या माध्यमातून आपल्याला शुभेच्छा देणाऱ्या चाहत्यांचे आभार मानता आले आहेत.

आभार मानता न आल्याने ट्वीट शेअर करत अमिताभ बच्चन यांनी आपल्या चाहत्यांची जाहीर माफी मागितली आहे.

अमिताभ बच्चन यांनी ट्वीट केलं आहे,"11 ऑक्टोबरला मला वाढदिवसाच्या शुभेच्छा देणाऱ्या सर्वांची सर्वात आधी मला जाहीर माफी मागायची आहे. कारण त्यांनी मला शुभेच्छा दिल्या पण माझ्याकडून त्यांना काहीच उत्तर मिळालं नाही. मोबाईल हँग झाल्याने मला उत्तर देता आलं नाही. त्यामुळे सर्वांचे आभार आणि खूप-खूप प्रेम".

अमिताभ बच्चन यांच्या या पोस्टवर नेटकऱ्यांनी कमेंट्सचा वर्षाव केला आहे. तसेच चाहत्यांना आता बिग बींच्या आगामी प्रोजेक्टची प्रतीक्षा आहे.