"ज्याच्यासाठी हे व्रत केलं तो..."; पहिली मंगळागौर साजरी करताच अमृता देशमुखची पोस्ट चर्चेत

पुण्याची टॉकरवडी अभिनेत्री अमृता देशमुख हिनं लग्नानंतरची पहिली मंगळागौर साजरी केली. अमृतानं मंगळागौरीचे फोटो सोशल मीडियावर शेअर केलेत.

अमृता आणि प्रसाद जवादे यांची जोडी बिग बॉस मराठीच्या चौथ्या सीझनमध्ये जोडली गेली. दोघांनी काही महिन्यांआधी लग्न केलं.

प्रसाद आणि अमृता लग्नानंतरचे सगळे सण मोठ्या उत्साहानं साजरे करत असतात. त्यांनी लग्नानंतरची पहिली मंगळागौर देखील आनंदानं साजरी केली.

अमृतानं मंगळागौरीसाठी खास खास लेवेंडर कलरची नऊवारी साडी नेसली होती. मंगळागौर साजरी केल्यानंतर अमृतानं एक पोस्ट लिहिली आहे ज्यानं सर्वांचं लक्ष वेधलं आहे.

अमृतानं पोस्टमध्ये लिहिलंय, "नटुन थटून साजरी केली मंगळागौर... प्रसादसारखा उत्साही नवरा मिलेगा ना कही और."

अमृतानं पुढे लिहिलं, "ज्याच्यासाठी हे व्रत केले त्याची सगळ्या सोहळ्यात इतकी छान साथ मिळते तेव्हा आनंद अजूनच द्विगुणित होतो". अमृता आणि प्रसाद यांनी मंगळागौरीच्या दिवशी खास रोमँटिक फोटोशूट देखील केलं.