Disha Patani: 2 महागडी घरं ते 6 लग्झरी गाड्या; बोल्डनेस क्वीन दिशा पाटनी आहे इतक्या कोटींची मालकीण!

बॉलिवूडमध्ये स्टारडम मिळवणं सोपं नाही. पण उत्तर प्रदेशातील बरेलीतून आलेली दिशा पाटनी आज त्या थोडक्याच अभिनेत्रींपैकी एक आहे, जिचं नाव केवळ चित्रपटांसाठीच नव्हे तर तिच्या स्टाईल, फिटनेस आणि लक्झरी लाईफस्टाईलसाठीही घेतलं जातं.

दिशा पाटनी बोल्डनेसमुळे चर्चेत तर असतेच याशिवाय तिच्या लग्झरी लग्झरी लाइफस्टाइलसाठीही चर्चेत असते. साध्या घरातून बाहेर पडलेली ही मुलगी आज कोट्यवधींची मालकीण आहे.

दिशाने 2015 मध्ये तेलुगू चित्रपट लोफरमधून सुरुवात केली. त्यानंतर एम.एस. धोनी: द अनटोल्ड स्टोरी ने तिच्या करिअरला मोठं वळण दिलं. बागी 2, मलंग, भारत, राधे आणि एक व्हिलन रिटर्न्स सारख्या चित्रपटांनी तिचा प्रवास पुढे नेला. अभिनयासोबतच दिशा मॉडेलिंग, ब्रँड एंडोर्समेंट आणि सोशल मीडियावरही खूप लोकप्रिय आहे.

आज दिशा मुंबईतील दोन आलिशान घरांची मालकीण आहे. वांद्रे येथील समुद्रासमोरील तिचं घर शांत वातावरण आणि आधुनिक सजावटीसाठी प्रसिद्ध आहे. दुसरं घर खार येथील रुस्तमजी पॅरामाउंट कॉम्प्लेक्समध्ये आहे, जिथलं 4 बीएचके अपार्टमेंट तिनं सुमारे 5.95 कोटींना घेतलं.

तिच्याकडे लक्झरी गाड्यांचाही मोठा कलेक्शन आहे. मर्सिडीज-बेंझ S450 (83.51 लाख), रेंज रोव्हर स्पोर्ट (1.51 कोटी), BMW 7-Series (1.78 कोटी) याशिवाय होंडा सिविक आणि ऑडी A6 सारख्या गाड्याही तिच्या ताफ्यात आहेत.

दिशाची स्टाईल सेन्सही चाहत्यांमध्ये चर्चेत असते. शॅनेल, लुई व्हिटॉन सारख्या ब्रँडच्या बॅग्ज आणि कपडे तिला पापाराझींच्या यादीत कायम ठेवतात. आर्थिक बाबतीत पाहिलं तर दिशाची एकूण संपत्ती 2024 मध्ये सुमारे 75 ते 100 कोटी इतकी होती. ती वर्षाला अंदाजे 12 कोटी कमावते आणि महिन्याला सुमारे 1 कोटींचं उत्पन्न मिळवते.

एका चित्रपटासाठी दिशा 4 ते 7 कोटी मानधन घेते, तर सोशल मीडिया पोस्ट आणि जाहिरातींमधूनही तिला मोठं उत्पन्न मिळतं. बरेलीतून सुरू झालेला प्रवास आज ग्लॅमर, मेहनत आणि यशाने भरलेला आहे.