Karan Johar: ‘माझ्या शरीराकडे पाहून लाज वाटते’ करण जौहरची झाली भयानक अवस्था, स्वतःचीच येतेय किळस

बॉलिवूडचा प्रसिद्ध दिग्दर्शक करण जोहर सध्या सोशल मीडियावर चर्चेत आहे. मात्र यावेळी कारण त्याचा एखादा नवा सिनेमा किंवा शो नाही, तर त्याने केलेले वजन कमी.

होय, करणने अलिकडच्या काळात खूप वजन कमी केलं आहे. मात्र या बदललेल्या लूकमुळे तो ट्रोलर्सच्या निशाण्यावर आला आहे. काहींनी तर थेट आरोप केला की त्याने ड्रग्स घेऊन वजन घटवलं. करण जोहरने स्वतः यावर मौन सोडले आहे. एका मनमोकळ्या मुलाखतीत त्याने केवळ त्याच्या वजन कमी करण्याच्या प्रवासावरच नव्हे, तर त्याच्या सध्याच्या मानसिक स्थितीवरही भाष्य केले आहे.

करणने या संभाषणात स्वतःच्या शरीराबद्दल असं काही धक्कादायक सत्य उघड केलं आहे, ज्याने त्याच्या चाहत्यांनाही आश्चर्याचा धक्का बसला आहे. करणने स्पष्टपणे सांगितलं की त्याला आजही त्याच्या शरीराकडे पाहण्याची लाज वाटते.

एका मुलाखतीत करण जोहरने त्याच्या बॉडी इमेजबद्दल बोलताना सांगितलं, "मला बॉडी डिसमॉर्फिया आहे. ही एक अशी अवस्था आहे, जिथे तुम्हाला कपड्यांशिवाय स्वतःला आरशात पाहण्याचीही भीती वाटते.

करण पुढे म्हणाला, "तुम्हाला तुमच्या शरीराची लाज वाटते आणि कपड्यांशिवाय तुम्ही प्रचंड अस्वस्थ होता. आजही मला माझ्या शरीराकडे पाहिलं की किळस येते, लाज वाटते." करणचं हे विधान ऐकून त्याच्या चाहत्यांना नक्कीच वाईट वाटेल, कारण पडद्यावर ग्लॅमर आणि आत्मविश्वास दाखवणारा हा दिग्दर्शक आतून किती हेल्थ प्रॉब्लेम फेस करत आहे, याची कल्पनाही कोणी केली नसेल.

आपल्या कमी वजनाच्या कारणांचा खुलासा करताना करण जोहर म्हणाला, "मी माझ्या आयुष्यात नेहमीच लठ्ठपणाशी झुंजत आलो आहे. वजन कमी करण्यासाठी मी हजारो प्रकारचे डाएट केले, अनेक व्यायामप्रकार आजमावले, जे काही उपलब्ध होतं ते सगळं करून पाहिलं.

अनेक वर्षांच्या प्रयत्नांनंतर, मी स्वतःची वैद्यकीय तपासणी केली आणि मला कळलं की मला थायरॉईडसारख्या काही आरोग्यविषयक समस्या आहेत, ज्यांना ठीक करण्याची गरज आहे आणि सध्या मी त्यावरच काम करत आहे." यावरून हे स्पष्ट होतं की करणने डाएट किंवा व्यायामाच्या जोरावरच वजन कमी केलेलं नाही, तर त्याला काही हेल्थ प्रॉब्लेममुळे त्याचं वजन कमी झालं.