'क्रांतिज्योती'ची मुले बॉक्स ऑफिसच्या परीक्षेत अव्वल! पहिल्याच विकेंडला बजेट वसूल, किती केली कमाई?

2026 या नवीन वर्षाचं स्वागत करण्यासाठी 'क्रांतिज्योती विद्यालय - मराठी माध्यम' हा सिनेमा प्रेक्षकांच्या भेटीला आहे. मराठी शाळेच्या अस्मितेला नवा आवाज देणार हा सिनेमा संपूर्ण महाराष्ट्रात रिलीज झाला आणि सिनेमाला प्रेक्षकांनी भरभरून दाद दिली आहे. 'क्रांतिज्योती विद्यालय - मराठी माध्यम' या सिनेमा अवघ्या एका आठड्यात दमदार कमाई केली आहे. सिनेमानं पहिल्या आठवड्यात बजेट वसूल केलं आहे.

हेमंत ढोमे दिग्दर्शिक 'क्रांतिज्योती विद्यालय - मराठी माध्यम' हा सिनेमा पहिल्या दिवसापासून अनेक शहरांमध्ये चित्रपट हाऊसफुल सुरू आहे.   मराठी शाळेच्या आठवणींमध्ये रमलेले प्रेक्षक भावुक होऊन चित्रपटगृहातून बाहेर पडताना दिसत आहेत.

चित्रपटातील आशय, संवाद, भावनिक क्षण आणि वास्तववादी मांडणी यामुळे प्रेक्षकांशी थेट नाळ जुळली आहे. लहानांपासून ते मोठ्यांपर्यंत सगळ्यांनीच या चित्रपटाला डोक्यावर घेतले आहे.

सिनेमाची प्रभावी कथेची मांडणी, कलाकारांची नैसर्गिक अभिनयशैली याचबरोबर सिनेमाचं संगीत देखील मनाचा ठाव घेतंय. द फोक आख्यानच्या त्रीमूर्तींची सिनेमाला संगीत आणि गाणी दिली आहे. हर्ष-विजय यांचं संगीत आणि ईश्वर अंधारेचे मनाली भिडणारी गाणी सिनेमात आहेत.

'क्रांतिज्योती विद्यालय – मराठी माध्यम' या सिनेमात अभिनेते सचिन खेडेकर, अमेय वाघ, सिद्धार्थ चांदेकर, क्षिती जोग, कादंबरी कदम, हरीश दुधाडे, निर्मिती सावंत, पुष्कराज चिरपुटकर आणि प्राजक्ता कोळी अशी दमदार स्टारकास्ट आहे.

'क्रांतिज्योती विद्यालय - मराठी माध्यम' हा सिनेमा सोशल मीडियावर व बुक माय शोवर चित्रपट ट्रेंडिंग ठरत आहे. या सिनेमानं पहिल्याच वीकेंडला तब्बल 3.91 कोटींची कमाई केली आहे. क्रांतिज्योतीचे विद्यार्थी बॉक्स ऑफिसच्या परिक्षेत अव्वल ठरले आहेत. सिनेमाचं बजेट 2 कोटी इतकं होतं. पहिल्याच आठवड्यात सिनेमा 3 कोटीहून अधिक कमाई केली आहे.

प्रेक्षकांकडून दिग्दर्शक हेमंत ढोमे यांच्यावर अभिनंदनाचा वर्षाव होत असून. सिनेमाच्या यशाविषयी बोलताना हेमंत म्हणाला, "प्रेक्षकांचे प्रेम पाहून मी अक्षरशः भारावून गेलो आहे. आमच्या प्रत्येक सिनेमावर प्रेक्षकांनी भरभरून प्रेम केले आहे मात्र यावेळी विषय वेगळा होता. एक संवेदनशील विषय प्रेक्षकांसमोर मांडला व त्यांनी तो मनापासून स्वीकारला, याचे खूप समाधान वाटते."

"प्रेक्षकांचा हा प्रतिसाद मला पुढेही अधिक प्रामाणिक आणि त्यांच्या आवडीचे चित्रपट घेऊन येण्याची प्रेरणा देतो. मी सर्व रसिकप्रेक्षकांचे मनःपूर्वक आभार मानतो."