नवऱ्याला स्वतःच्या इशाऱ्यावर नाचवतात 'या' मूलांकाच्या मुली, कोणता आहे तो खास नंबर?

अंकशास्त्रानुसार, व्यक्तीची जन्मतारीख केवळ तिचे भविष्यच नाही, तर तिचा स्वभाव आणि जोडीदारासोबतचे नाते कसे असेल, हे देखील ठरवते. काही मुली स्वभावाने इतक्या प्रभावशाली असतात की, लग्नानंतर त्या आपल्या पतीवर पूर्णपणे नियंत्रण मिळवतात. अंकशास्त्रात अशा एका विशेष मूलांकाचा उल्लेख आहे, ज्या तारखेला जन्मलेल्या मुली पतीला आपल्या 'बोटांवर नाचवण्यात' किंवा आपल्या शब्दाबाहेर जाऊ न देण्यात पटाईत असतात.

मूलांक 3 चा प्रभाव (जन्मतारीख 3, 12, 21, 30): ज्या मुलींचा जन्म कोणत्याही महिन्याच्या 3, 12, 21 किंवा 30 तारखेला झाला आहे, त्यांचा मूलांक '3' असतो. या मूलांकाचा स्वामी 'गुरु' (Jupiter) ग्रह आहे. गुरु हा ज्ञानाचा आणि नेतृत्वाचा कारक असल्याने, या मुलींमध्ये उपजतच नेतृत्वगुण असतात. त्या घरात आपलीच सत्ता चालवण्यावर भर देतात.

प्रभावशाली व्यक्तिमत्व: मूलांक 3 च्या मुलींचे व्यक्तिमत्व अत्यंत आकर्षक आणि करारी असते. त्यांचे बोलणे इतके प्रभावी असते की, समोरची व्यक्ती त्यांचे ऐकण्यास नकार देऊ शकत नाही. त्या आपल्या युक्तीने पतीकडून हवं ते काम करून घेतात.

पतीचे प्रेम आणि आदर मिळवण्यात यशस्वी: या मुली केवळ हुकूमत गाजवत नाहीत, तर त्या आपल्या पतीची आणि सासरच्यांची काळजी घेण्यातही आघाडीवर असतात. त्यांच्या याच काळजीपोटी पती त्यांच्यावर मनापासून प्रेम करतो आणि त्यांचे प्रत्येक म्हणणे आदराने मान्य करतो.

स्वाभिमानी आणि स्वतंत्र विचार: या मुलींना कोणाच्याही दबावाखाली राहायला आवडत नाही. लग्नानंतरही त्या आपले स्वातंत्र्य जपतात. घरात कोणता मोठा निर्णय घ्यायचा असेल, तर त्यांचा सल्ला घेतल्याशिवाय पान हलत नाही. त्यांच्याकडे असलेल्या व्यावहारिक ज्ञानामुळे पती त्यांच्या निर्णयावर अवलंबून राहतो.

व्यवस्थापनात कुशल: या मुली घर आणि कुटुंब चालवण्यात खूप कुशल असतात. बजेटपासून ते नातेसंबंध हाताळण्यापर्यंत त्या सर्व गोष्टी शिस्तीत करतात. त्यांच्या या 'मॅनेजमेंट' स्किलमुळे पती सर्व आर्थिक आणि कौटुंबिक जबाबदाऱ्या त्यांच्याकडे सोपवून मोकळा होतो.

रागीट पण प्रेमळ स्वभाव: मूलांक 3 च्या मुलींना राग लवकर येतो, पण तो तितक्याच लवकर शांतही होतो. पतीवर नियंत्रण मिळवण्याची त्यांची वृत्ती ही अहंकारापोटी नसून, आपल्या कुटुंबाचे भले व्हावे याच उद्देशाने असते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)