8 एपिसोडची क्राइम-ड्रामा सीरिज, अजिबात मिस करू नका क्लायमॅक्स; या वीकेंडला OTT वर पाहाच

ओटीटीवर अनेक चित्रपट आणि सीरिज रिलीज होत असतात. रोमान्स, सस्पेन्स, हॉरर, क्राइम, ड्रामा असणाऱ्या या सीरिज आणि फिल्म प्रेक्षकांचं चांगलच मनोरंजन करतात. ओटीटीवरील एक क्राइम ड्रामा मात्र सध्या सर्वांचं लक्ष वेधून घेत आहे. ओटीटीवरील आठ एपिसोडची ही सीरिज एकदा पाहायला घेतली की शेवटपर्यंत पाहतच राहाल. त्यामुळे या वीकेंडला ही सीरिज अजिबात मिस करू नका.

ओटीटीवरील या क्राइम-ड्रामा सीरिजमध्ये दोन महिलांचा प्रवास दाखवण्यात आा आहे. यात मैत्री, विश्वास आणि एकमेकींसाठी खंबीरपणे उभं राहणं या गोष्टी दाखवण्यात आल्या आहेत. वारंवार आता पुढे काय घडणार हे जाणून घेण्याची तुम्हाला उत्सुकता असते.

ओटीटीवरील ही सीरिज डोक सुन्न करणारी आहे. ही सीरिज तुम्हाला नक्कीच विचार करायला भाग पाडेल. ही सीरिज पाहताना तुम्हालाही एक प्रकारची प्रेरणा मिळेल. समाजात घडणाऱ्या अनेक वास्तववादी घटनांचं चित्रण या सीरिजमध्ये अतिशन संवेदनशिलपणे करण्यात आलं आहे.

घरगुती हिंसाचार सारख्या महत्त्वाच्या विषयावर या सीरिजच्या माध्यमातून आवाज उठवण्यात आला आहे. या सीरिजमधील कथा प्रेक्षकांना इमोशनली जोडून ठेवते. तर अनेकदा अस्वस्थदेखील करते. कोणत्या डायलॉगशिवाय योग्य तो संदेश पोहोचवण्याचं काम ही सीरिज करते.

ओटीटीवरील ही सीरिज याच वर्षी रिलीज झाली आहे. ली जियोंग-रिम यांनी या सीरिजच्या दिग्दर्शनाची धुरा सांभाळली आहे. तर या सीरिजची कथा किम ह्यो-जेओंग यांनी लिहिली आहे. हिदेओ ओकुडा या जपानी लेखकांच्या 'नाओमी और कनाको' या कादंबरीवर आधारित या सीरिजची कथा आहे. As You Stood By असं या सीरिजचं नाव आहे. या सीरिजमध्ये सस्पेन्स आणि विकास दोन्ही दाखवण्यात आलं आहे. ही एक साऊथ कोरियन क्राइम-थ्रिलर वेब सीरिज आहे. 7 नोव्हेंबरला ही सीरिज ओटीटीवर रिलीज झाली आहे.

As You Stood By या सीरिजमध्ये जियोन सो-नी, ली यू-मील, जांग सेउंग-जो आणि ली मू-सेंग सारखे कलाकार झळकत आहेत. सर्वच कलाकारांनी आपल्या दमदार अभिनयाने प्रेक्षकांची पसंती मिळवली आहे. या सीरिजमध्ये दोन बालमैत्रीणींची गोष्ट दाखवली आहे. ज्या घरगुती हिंसाचाराला बळी पडतात. पुढे मित्राच्या मदतीने त्या आपल्या पतीची हत्या करतात. पुढे अचानक एका अनोळखी व्यक्तीची सीरिजमध्ये एन्ट्री होते.

As You Stood By ही सीरिज सत्य घटनेवर आधारित नाही. पण तरीही ही सीरिज तुम्हाला शेवटपर्यंत गुंतवून ठेवते. या सीरिजला IMDB वर 7.5 रेटिंग मिळाले आहे. हिंदीत ही सीरिज प्रेक्षक नेटफ्लिक्सवर पाहू शकतात.