'समोर 2 पाय येताना दिसले, मी वर पाहिलं अन्...' बांदेकरांच्या घरी पहिल्यांदा गेली तेव्हा घाबरलेली पूजा बिरारी, कोण दिसलं?

महाराष्ट्राचे लाडके भाऊजी म्हणजे आदेश बांदेकर. काही महिन्यांआधीच त्यांचं प्रमोशन झालं. ते आता फक्त भाऊजी नाही तर सासरे देखील झाले आहेत.

आदेश बांदेकर यांचा मुलगा सोहम बांदेकर यानं लग्न केलं. अभिनेत्री पूजा बिरारीबरोबर सोहमचं लग्न झालं. दोघांच्या लग्नाची खूप चर्चा झाली होती. दोघांचं लग्न हे चाहत्यासाठी सरप्राइज होतं.

तुम्हाला माहिती आहे का अभिनेत्री पूजा बिरारी जेव्हा पहिल्यांदा बांदेकरांच्या घरी गेली होती. तेव्हा एका व्यक्तीला पाहून प्रचंड खाबरली होती. तिला घाम फुटला होता, काय बोलू कळत नव्हतं. तिनं स्वत: एका मुलाखतीत हा किस्सा सांगितला. कोण होती ती व्यक्ती जिला पाहून पूजा बिरारी खूप घाबरली होती.

पूजा बिरारीनं सांगितलं, "मला आधी वाटायचं की, सोहम आधी ठाण्यातच राहतो. कारण-तो दोनदा-तीनदा मला ठाण्यातच भेटला होता. मी त्याच्या घराजवळ आल्यानंतर तो हाफ पँटमध्ये होता."

"मी म्हटलं हा असा का आलाय भेटायला. तेव्हा तो बोलला की, चल वर आजीला भेटवतो. माझं असं झालं की, आज मी घरी यायचंय? अजिबात नाही. मी येतच नसते."

"मी घरी गेल्यानंतर पहिल्यांदा सिंबाला भेटले. त्याला भेटण्यासाठी मी खाली बसले. तेव्हा समोरून दोन पाय येताना मला दिसले. मी वर बघितलं आणि त्या आई होत्या. त्या म्हणाल्या की, मी निघतच होते. म्हटलं तुला भेटूनच जाईन. म्हणून मी थांबले होते. मला तेव्हा घाम फुटला होता तिथे."

पूजा पुढे म्हणाली, "तेव्हा माझा चेहरा बघून त्यांना कळलं असेल की, मी घाबरले आहे. एखाद्या मुलीसाठी मुलाच्या घरी जाऊन त्याच्या आईला भेटणं ही मोठी गोष्ट असते. पण, तेव्हा त्या माझ्याशी छान बोलल्या आणि मग गेल्या."

अभिनेत्री पूजा बिरारी सध्या स्टार प्रवाहच्या 'येड लागलं प्रेमाचं' या मालिकेत काम करतेय. त्याआधी देखील तिने अनेक मराठी मालिकांमध्ये काम केलं आहे. तर सोहम बांदेकर सध्या प्रोडक्शन सांभाळतो. 'ठरलं तर मग', 'घरोघरी मातीच्या चुली' या मालिकांचं काम तो पाहतो.