हिरोपेक्षा जास्त फी, एका चुकीनं करिअर उध्दवस्त; बेरोजगार असूनही करोडोची मालकणी आहे ही मराठमोळी अभिनेत्री

बॉलिवूडमधील 90 च्या दशकातील मराठी अभिनेत्री. जी हिरोपेक्षा जास्त मानधन घ्यायची. एका रात्रीत ती स्टार हिरोईन झाली. पण तिनं एक चूक केली आणि संपूर्ण करिअर पणाला लागलं.

या अभिनेत्रीनं आतापर्यंत तिनं बॉलिवूडमध्ये अनेक हिट सिनेमे दिलेत. हिंदी सिनेमांव्यतिरिक्त, तिने तेलुगू, तमिळ, मल्याळम आणि मराठी सिनेमांमध्ये काम करून स्वतःचं नाव कमावलं आहे.

या अभिनेत्रीनं फक्त अभिनय क्षेत्रात नाही तर राजकीय क्षेत्रामध्येही पाऊल ठेवलं. ही अभिनेत्री आज तिचा 51 वा बर्थडे सेलिब्रेट करत आहे. आजही तिच्या सौंदर्यावर लाखो चाहते फिदा आहेत.

मागील काही वर्षांपासून ही अभिनेत्री कोणत्याच सिनेमात दिसलेली नाही. पण आज ती कोट्यवधींच्या संपत्तीची मालकीण आहे. 

आपण बोलत आहोत ती अभिनेत्री म्हणजेच रंगीला गर्ल उर्मिला मातोंडकर. उर्मिलाचा जन्म 4 फेब्रुवारी 1974  साली झाला.  उर्मिलाने वयाच्या तीन व्या वर्षी अभिनयाला सुरुवात केली. ती कर्मा आणि मासूम सारख्या सिनेमांमध्ये बाल कलाकार म्हणून दिसली. नंतर तिने बॉलीवूडमध्ये मुख्य अभिनेत्री म्हणून राज्य केले.

राम गोपाल वर्माच्या 'रंगीला' सिनेमानं उर्मिलाला एका रात्रीत स्टार बनवलं. त्यानंतर ती राम गोपाल वर्माच्या प्रत्येक सिनेमात दिसली. दोघांनी जवळपास 13 सिनेमांमध्ये एकत्र काम केले आहे. त्या वेळी राम गोपाल वर्मा आणि उर्मिला मातोंडकर  यांच्या अफेअरच्या चर्चा रंगल्या होत्या. राम गोपाल वर्मा आधीच विवाहित होते आणि जेव्हा दिग्दर्शकाच्या पत्नीला त्यांच्या प्रेमसंबंधाची माहिती मिळाली तेव्हा तिने उर्मिलाला खूप सुनावलं होतं, अशाही चर्चा आहेत. 

 या वादानंतर राम गोपाल वर्मा आणि उर्मिला यांच्यातील संबंध चांगलेच बिघडले. राम गोपाल वर्माचं तेव्हा इंडस्ट्रीमध्ये एक मोठं नाव होतं. त्यामुळे उर्मिला मातोंडकरला कास्ट करून राम गोपाल वर्मा यांना विरोध करण्याचा धोका कोणीही घेऊ इच्छित नव्हता. त्यामुळे उर्मिलाला सिनेमात कास्ट करायला निर्माते, दिग्दर्शक घाबरत होते. काही वर्षांनी उर्मिला इंडस्ट्रीतून गायबच झाली. 

काही वर्षांपूर्वी उर्मिला मातोंडकरने 2019 मध्ये भारतीय राष्ट्रीय काँग्रेसमध्ये प्रवेश केला. 2019 ची लोकसभा निवडणूक तिने मुंबई उत्तर मतदारसंघातून लढवली होती पण तिचा पराभव झाला होता. त्याच वर्षी तिने अंतर्गत राजकारणाचं कारण देत पक्षाचा राजीनामा दिला आणि त्यानंतर 2020 मध्ये त्यांनी उद्धव ठाकरे यांच्या उपस्थितीत शिवसेनेत प्रवेश केला. मीडिया रिपोर्ट्सनुसार उर्मिला मातोंडकर 68 कोटी रुपये कोटींच्या संपत्तीची मालकीण आहे.