Usha Nadkarni: 'माझ्या मेंदूला किडे लागले', उषा नाडकर्णींना झालं तरी काय? थेट कलाकारांचे वाभाडेच काढले
- Published by:Pratiksha Pednekar
Last Updated:
Usha Nadkarni: "बिग बॉस बघून माझ्या मेंदूला किडे लागले," असं म्हणत ज्येष्ठ अभिनेत्री उषा नाडकर्णी यांनी शोच्या सध्याच्या स्वरूपावरच प्रश्नचिन्ह उपस्थित केलं आहे.
advertisement
advertisement
advertisement
'राजश्री मराठी'ला दिलेल्या एका मुलाखतीत उषा नाडकर्णी यांनी आपला नेहमीचा बाणा दाखवला. त्या म्हणाल्या की, मी हल्ली बिग बॉस बघतच नाही. "आमचा सीझन संपल्यानंतर मी फक्त दुसरा सीझन थोडाफार पाहिला होता. पण आता जे काही सुरू आहे, जो काही कलकलाट आणि हुज्जत घालणं सुरू असतं, ते पाहून मेंदूला किडे लागल्यासारखं वाटतं. त्या लोकांचं वागणं आणि ओरडणं सहन करण्याच्या पलीकडे आहे."
advertisement
advertisement
advertisement
बिग बॉसमध्ये जाऊन तुम्हाला नक्की काय मिळालं? या प्रश्नावर त्यांनी अत्यंत प्रांजळ उत्तर दिलं. त्या म्हणाल्या, "फायदा झाला तो फक्त पैशांचा. बाकी 'बिग बॉस' केलं म्हणून लोक मला ओळखायला लागले असं काही नाही. लोक मला माझ्या आधीच्या कामामुळे आधीपासूनच ओळखतात. उलट तिथे गेल्यामुळे मला त्रास झाला आणि डोकं फिरलं."
advertisement
जेव्हा त्यांना विचारलं की, तुम्हाला या सीझनमधील कोणता स्पर्धक आवडतो? त्यावर त्या उपरोधिकपणे म्हणाल्या, "मी काही सांगितलं तर ते ऐकणार आहेत का? आणि तुम्ही त्यांना हे दाखवायला जाणार आहात का? प्रत्येक जण तिथल्या परिस्थितीनुसार वागत असतो." अशा शब्दांत त्यांनी कोणाचंही नाव घेणं टाळत सध्याच्या ड्रामावर आपली नाराजी स्पष्ट केली.






