'या' देशांमध्ये लग्नासाठी मुलगा मिळणंही झालंय कठीण, प्रमाणापेक्षा स्त्रियांची संख्या झालीय जास्त!

जगातील अनेक देशांमध्ये, विशेषत: भारत आणि चीनसारख्या आशियाई देशांमध्ये, लोकसंख्येतील लिंग गुणोत्तर एक मोठी समस्या आहे. या देशांमध्ये पुरुषांच्या तुलनेत महिलांची संख्या खूपच कमी आहे. त्यामुळे पुरुषांना लग्नासाठी दुसऱ्या देशातून वधू शोधाव्या लागतात. मात्र, जगात असे अनेक देश आहेत जिथे पुरुषांपेक्षा महिलांची संख्या खूप जास्त आहे आणि तिथे 'वर' शोधणे कठीण झाले आहे.

जिबूती : या देशात पुरुषांच्या तुलनेत महिलांची संख्या खूप जास्त आहे. एकूण लोकसंख्येपैकी सुमारे 55 टक्के महिला आहेत. येथे प्रत्येक पुरुषामागे अंदाजे दोन महिला आहेत. याचे मुख्य कारण म्हणजे येथील बहुतेक पुरुष उपजीविकेसाठी आखाती देशांमध्ये स्थलांतर करतात, ज्यामुळे देशातील पुरुषांची संख्या घटते आणि लिंग गुणोत्तर बिघडते.

हाँगकाँग : हाँगकाँगमध्येही अशीच परिस्थिती आहे. येथील लिंग गुणोत्तर 1.16 आहे, याचा अर्थ असा की प्रत्येक 100 पुरुषांमागे 116 महिला आहेत. याचे कारण म्हणजे घरगुती कामांमध्ये महिलांचा जास्त सहभाग असतो आणि पुरुषंच्या तुलनेत महिलांचे सरासरी आयुष्य जास्त असते.

लिथुआनिया : लिथुआनियाची स्थिती हाँगकाँगसारखीच आहे. येथे पुरुषांपेक्षा महिलांची संख्या जास्त आहे, विशेषत: वृद्ध वयात. पुरुषांना विविध आजार होण्याची शक्यता जास्त असते आणि ते कमी वयात मरतात, ज्यामुळे महिलांची संख्या जास्त झाली आहे.

बहामास : हा छोटा देश आहे आणि येथील लोकसंख्याही कमी आहे, पण तरीही पुरुषांपेक्षा महिलांची संख्या जास्त आहे. याचे मुख्य कारण म्हणजे पुरुषांच्या तुलनेत महिलांचे आयुर्मान जास्त आहे.

रशिया : या यादीत रशिया सहाव्या क्रमांकावर आहे. रशिया हा जगातील अशा काही देशांपैकी एक आहे जिथे लिंग गुणोत्तर सर्वात जास्त बिघडलेले आहे. जवळपास प्रत्येक वयोगटात महिलांची संख्या जास्त आहे. विविध आजार, मद्यपान आणि प्रदीर्घ युद्धांमुळे पुरुष खूप लवकर मरतात. दुसरीकडे, रशियन महिला त्यांच्या सौंदर्यासाठी जगभर, विशेषतः आशियाई देशांमध्ये प्रसिद्ध आहेत.

युक्रेन : रशियाचा कट्टर शत्रू आणि युद्धग्रस्त देश युक्रेनमध्येही लिंग गुणोत्तराची समस्या आहे. येथे प्रत्येक 100 महिलांमागे फक्त 87 पुरुष आहेत. देशाच्या लोकसंख्येपैकी 53 टक्के महिला आहेत.

बेलारूस : रशियाप्रमाणेच बेलारूसमध्येही पुरुषांच्या तुलनेत महिलांची संख्या लक्षणीयरीत्या जास्त आहे. शहरी भागात ही समस्या अधिक गंभीर आहे. पुरुषांचे कमी आयुर्मान आणि आरोग्य समस्या हे त्याचे मुख्य कारण आहे.

लाटव्हिया आणि अँगुइला : या देशांमध्येही पुरुष-महिलांच्या संख्येत मोठा फरक आहे. लाटव्हियामध्ये पुरुषांच्या आरोग्य समस्या आणि कमी आयुर्मान यामुळे महिलांची संख्या जास्त आहे, तर अँगुइलामध्ये अनेक पुरुष विदेशात गेल्यामुळे महिलांची संख्या जास्त आहे.

प्युर्टो रिको आणि मोल्दोव्हा : या देशांमध्येही पुरुषांच्या तुलनेत महिलांची संख्या जास्त आहे. येथील पुरुष कामाच्या शोधात अमेरिका किंवा युरोपमध्ये स्थलांतर करतात, त्यामुळे महिलांची संख्या खूप जास्त आहे. दोन्ही देशांचे लिंग गुणोत्तर 1.12 आहे, याचा अर्थ असा की प्रत्येक 100 पुरुषांमागे 112 महिला आहेत.