Weather Alert : पुढील 24 तास धोक्याचे, कल्याण-डोंबिवलीत हाडं गोठवणारी थंडी, हवामान विभागाडून अलर्ट

राज्यात थंडीची लाट सुरू असून,उत्तरेकडून येणारे थंड वारे कमी झाल्याने ठाणे जिल्ह्यांत तापमान १४°C आसपास राहू शकतो, त्यामुळे सकाळी आणि रात्री गारठा जाणवेल तर काही ठिकाणी किमान तापमानात घट होऊन थंडीची तीव्रता वाढेल. १५ डिसेंबरला तापमानात मोठी घट न होता, सध्याची थंडी कायम राहू राहण्याची शक्यता वर्तवली असून; आजचे ठाणे जिल्ह्यासह कल्याण डोंबिवली शहरातील हवामान अपडेट बघुयात.

कल्याण तालुक्यातील तापमानात घट झाल्याने थंडीचा प्रभाव कायम राहण्याची शक्यता आहे. रविवारी असलेले तापमान आणि आजचे तापमान समांतर असून किमान तापमान १८ ते २०°C राहील आणि कमाल तापमान ३०°C पर्यंत राहू शकते, ज्यामुळे पुढील २ दिवस थंडी जाणवेल.

डोंबिवली शहरात कालच्या तुलनेत आज सकाळच्या वेळी हवामानात हलके धुके आणि ढगाळ वातावरण राहील. कमाल तापमान २८ ते ३०°C आणि किमान तापमान १८ ते २०°C च्या दरम्यान असेल, त्यामुळे रात्री आणि पहाटे थंडी जाणवेल. नागरिकांना बाहेर पडताना उबदार कपडे घालावे, अशी माहिती हवामान विभागाने वर्तविले आहे.

गेल्या काही दिवसांपासून तापमानात घट झाली असून थंडीचा कडाका जाणवत आहे. कल्याण डोंबिवली ग्रामीण भागातील किमान तापमान १२°C ते १५°C तर कमाल तापमान २९°C ते ३०°C घसरण्याची शक्यता आहे. ज्यामुळे दिवसभर गुलाबी थंडीचा अनुभव येईल , सकाळी आकाश निरभ्र राहील आणि धुकेही पडू शकते.

उत्तरेकडून येणाऱ्या थंड वाऱ्यांमुळे बदलापूरमध्ये नेहमीपेक्षा जास्त थंडी आज जाणवेल. किमान तापमान सुमारे १२°C आणि कमाल तापमान २४°C ते २८°C च्या दरम्यान असू शकते. थंडीची लाट असल्याने पारा घसरला आहे तर मुरबाड आणि शहापूरमध्ये कमाल तापमान २५°C ते ३३°C तर किमान तापमान 8°C ते 17°C पर्यंत खाली येऊ शकते. विशेषतः पहाटे मोठ्या प्रमाणात थंडी जाणवेल आणि दिवसा ऊन तर रात्री पुन्हा थंडीचा अनुभव येईल. त्यामुळे हवामान आल्हाददायक राहील.