Accident : मुंबई गोवा महामार्गावर भीषण अपघात; नॅनो कारची झायलोला धडक, 9 जण गंभीर जखमी

मुंबई गोवा महामार्गावर लग्न समारंभ आटोपून परतणाऱ्यांच्या कारचा भीषण अपघात झाला. टाटा नॅनो कारने धडक दिल्याने हा अपघात झाल्याची माहिती समजते.

मुंबई गोवा महामार्गावर नॅनो आणि झायलो कारचा अपघात झाला. नॅनो कारने झायलो कारला धडक दिल्यानं झालेल्या अपघातात ९ जण गंभीर जखमी झाले आहेत.

लग्न समारंभावरून परतणाऱ्या कुटुंबियांच्या गाडीचा हा अपघात झाला. दापोली तालुक्यातील रहिवासी महाड तालुक्यात बारसगाव तळीये येथे लग्न समारंभासाठी गेले होते

नॅनो कार दापोलीच्या दिशेने जात असताना लोहारे हद्दीत हॉटेल कदम पॅलेस समोर रस्त्याकडेला उभा असणाऱ्या झायलो कारवर आदळली.

अपघातात 9 जण जखमी झाले असून जखमींवर पोलादपूर ग्रामीण रुग्णालयात उपचार केले. त्यानंतर अधिक उपचारासाठी डेरवण येथे हलविण्यात आले आहे.