मुंबई-गोवा महामार्गावर भीषण अपघात; प्रवाशांनी भरलेली खासगी बस पलटी

रत्नागिरीमधून भीषण अपघाताची बातमी समोर आली आहे. प्रवाशांनी भरलेली खासगी ट्रॅव्हल्स बस पलटी झाली आहे. बसमध्ये वीस प्रवासी होते.

मुंबई- गोवा महामार्गावरील सावर्डे परिसरात हा अपघात झाला आहे. टेंम्पो ट्रॅव्हल्स बस पलटी झाली. या अपघातामध्ये वीस प्रवाशांपैकी सहा प्रवासी जखमी झाले आहेत.

अपघाताची माहिती मिळताच स्थानिकांनी घटनास्थळी धाव घेतली, स्थानिकांच्या मदतीनं अपघातामध्ये जखमी झालेल्या प्रवाशांना उपचारांसाठी डेरवणमधील रुग्णालयात हलवण्यात आलं आहे.

नाताळ सेलिब्रेशनसाठी ही खासगी बस बोरीवलीहून मालवणला जात होती. मात्र ती मुंबई-गोवा महामार्गावर पलटी झाली. या अपघातामध्ये सहा प्रवासी जखमी झाले आहेत.

अपघाताचं नेमकं कारण समोर आलेलं नाही, मात्र चालकाचं वाहनावरील नियंत्रण सुटून हा अपघात झाला असावा असा अंदाज व्यक्त करण्यात येत आहे.