King Cobra : सापांचा राजा असला तरी… 'या' 5 प्राण्यांना घाबरतो किंग कोब्रा, कोण आहेत सर्वात मोठे शत्रू?
- Published by:Devika Shinde
Last Updated:
निसर्गाने काही प्राण्यांना अशा काही शक्ती दिल्या आहेत की, त्यांच्यासमोर कोब्राचं विषही टिकू शकत नाही. चला तर मग, त्या 5 महाभयंकर शिकाऱ्यांबद्दल जाणून घेऊया.
आपण सहसा पावसाळ्यात किंवा शेतात फिरायला गेलो की, सर्वात मोठी भीती कशाची वाटते? तर ती म्हणजे सापाची. त्यातही जर समोर साक्षात नाग फणा काढून उभा असेल, तर भल्याभल्यांची पाचावर धारण बसते. कोब्रा हा जगातील सर्वात विषारी आणि धोकादायक सापांपैकी एक मानला जातो. इतर सापांच्या तुलनेत कोब्राचं विष खूपच धोकादायक आहे. त्याच्या एका दंशात एका हत्तीला मारण्याइतकं विष असतं. पण तुम्हाला माहीत आहे का? निसर्गाचं चक्र इतकं अजब आहे की, ज्या कोब्राला पाहून आपण पळ काढतो, त्याच कोब्राची शिकार करणारे काही प्राणी या पृथ्वीवर अस्तित्वात आहेत.
advertisement
advertisement
मुंगूस : नागाचा सर्वात मोठा काळ लहानपणापासून आपण मुंगूस आणि सापाच्या गोष्टी ऐकत आलो आहोत. मुंगूस हा कोब्राचा सर्वात कट्टर शत्रू मानला जातो. कोब्रा कितीही विषारी असला तरी मुंगूस त्याला अजिबात भीत नाही. मुंगसाचा वेग इतका जास्त असतो की कोब्राला डंख मारण्याची संधीच मिळत नाही. सर्वात महत्त्वाची गोष्ट म्हणजे मुंगसाच्या शरीरातील रिसेप्टर्स सापाच्या विषाला प्रतिरोध करतात, त्यामुळे कोब्राने चावा घेतला तरी मुंगसाला फारसा फरक पडत नाही.
advertisement
सेक्रेटरी बर्ड : लाथ मारून डोकं फोडणारा पक्षीहा पक्षी आफ्रिकेत आढळतो आणि तो आपल्या लांब पायांसाठी प्रसिद्ध आहे. जमिनीवर सरपटणाऱ्या कोब्रासाठी हा पक्षी म्हणजे साक्षात मृत्यूच असतो. हा पक्षी इतक्या जोरात कोब्राच्या डोक्यावर लाथ मारतो की सापाची कवटी एका फटक्यात फुटते. कोब्राला पलटवार करण्याची साधी संधीही हा पक्षी देत नाही.
advertisement
advertisement
हनी बॅजर : जगातील सर्वात निर्भीड प्राणीगिनीज बुक ऑफ वर्ल्ड रेकॉर्डनुसार हनी बॅजर हा जगातील सर्वात शूर प्राणी आहे. हा प्राणी दिसायला छोटा असला तरी तो थेट कोब्रावर हल्ला करतो. याची त्वचा इतकी जाड आणि घट्ट असते की सापाचे दात त्यात घुसत नाहीत. जर कोब्राने याला चावा घेतलाच, तर हनी बॅजर काही वेळ बेशुद्ध पडतो आणि पुन्हा उठून त्याच कोब्राला खाऊन टाकतो.
advertisement
advertisement








