Chai Chapati : चहासोबत चपाती का खाऊ नये, चहा-चपाती खाल्ल्याने काय होतं?

चहा-चपाती कित्येक घरातील सकाळचा ठरलेला नाश्ता. खरंतर खूप आधापीसून लोक हा नाश्ता करत आहेत. त्यामुळे अनेकांना तो हेल्दी वाटतो. पण तुम्हाला माहिती आहे का? तज्ज्ञ सांगतात की चहासोबत चपाती खाऊ नये, याचे दुष्परिणाम होतात.

आयुर्वेदीक डॉक्टरांनी सांगितल्यानुसार चहा आणि चपाती हा विरुद्ध आहार आहे. कारण चहा म्हणजे त्यात दूध आलं आणि चपाती म्हणजे त्यात मीठ. चहा-चपाती थेट विरुद्ध आहार नसला तरी त्यातील दूध आणि मीठ हे पदार्थ विरुद्ध आहार आहेत. विरुद्ध आहार खाल्ल्याने पोटाच्या, पचनच्या आणि त्वचेच्या समस्या उद्भवतात.

चहामध्ये टॅनिन नावाचा घटक असतो आणि चपातीमध्ये आयर्न. जे टॅनिनमुळे शरीरात नीट शोषलं जात नाही. याचा परिणाम हिमोग्लोबिनची कमी होते. अशक्तपणा, चक्कर येते.  महिलांमध्ये अ‍ॅनिमियाचा धोका होतो.

चहातील टॅनिनमुळे आतड्यांची हालचाल मंदावते. चपाती योग्यरित्या न पचल्यास बद्धकोष्ठता वाढते. चपाती हा पोषणदृष्ट्या चांगला पदार्थ असला तरी चहासोबत खाल्ल्यास आयर्न, झिंक, मॅग्नेशियम यांसारखी खनिजे शरीराला नीट मिळत नाहीत. पोट भरतं, पण पोषण कमी मिळतं.

आयुर्वेदानुसार चहा उष्ण, रुक्ष, तर चपाती जड, स्थिर. याचा एकत्र परिणाम अग्नी म्हणजे पचनशक्ती कमजोर होते आम म्हणजे विषारी घटक तयार होता. चपाती जड आहे जी पचायला वेळ लागतो. तर चहा आम्लयुक्त जो पचनरसांवर परिणाम करतो. दोन्ही एकत्र घेतल्यास गॅस, पोटफुगी, अ‍ॅसिडिटी, ढेकर, जळजळ असे त्रास होतात. (सर्व फोटो : AI Generated)