तुमचा फ्रिज खराब दिसतोय? फक्त 'ही' सोपी ट्रिक वापरा, 10 मिनिटांत होईल स्वच्छ, फ्रिज दिसेल एकमद नवा!

Fridge Cleaning Tips : आपले घर सुंदर दिसण्यासाठी प्रत्येक लहानसहान गोष्टीकडे लक्ष देणे महत्त्वाचे आहे. कधीकधी काही वस्तू वर्षांनुवर्षे स्वच्छ न केल्यामुळे तुमच्या घराचा एकूण लूक खराब करतात. जर तुमच्या स्वयंपाकघरातील फ्रीज (Refrigerator) खराब दिसत असेल, तर खालील टिप्स वापरून तो तुम्ही लगेच चमकदार बनवू शकता.

फ्रीजमधील घाण अन्न खराब करू शकते आणि आरोग्याच्या समस्याही निर्माण करू शकते. चला तर मग, तुमचा अस्वच्छ झालेला फ्रीज सहजपणे आणि पटकन कसा स्वच्छ करायचा, हे जाणून घेऊया.

तयारी : सर्वात आधी, फ्रीजचा प्लग काढा आणि कॉर्ड बाजूला ठेवा. त्यानंतर, फ्रीजमधील संपूर्ण सामान बाहेर काढा. खराब झालेले अन्न असेल तर ते फेकून द्या.

शेल्फ आणि ड्रॉवर स्वच्छ करा : फ्रीज रिकामा केल्यानंतर, त्याचे शेल्फ्स (तळ) आणि ड्रॉवर्स बाहेर काढा. एका भांड्यात कोमट पाणी घ्या आणि त्यात थोडा बेकिंग सोडा (Baking Soda) मिसळून पेस्ट तयार करा. या पेस्टचा वापर करून स्पंजच्या मदतीने फ्रीजचा आतील भाग, तसेच काढलेले ड्रॉवर्स आणि शेल्फ्स व्यवस्थित स्वच्छ करा.

हट्टी डागांसाठी खास पेस्ट : जर एखादा हट्टी डाग (stubborn stain) निघत नसेल, तर त्यावर थोडे व्हिनेगर (Vinegar) लावा आणि स्पंजने स्वच्छ करा. व्हिनेगर जंतू मारण्यासही मदत करते. तुम्ही बेकिंग सोडा आणि व्हिनेगरची पेस्ट बनवून फ्रीजचा दरवाजा आणि इतर भाग स्वच्छ करू शकता.

फ्रीजमधील दुर्गंधी कशी कमी कराल? : जर तुमच्या फ्रीजमधून दुर्गंधी (smell) येत असेल, तर एका भांड्यात बेकिंग सोडा ठेवून तो काही तास फ्रीजरमध्ये किंवा फ्रीजच्या आत ठेवा. बेकिंग सोडा दुर्गंधी शोषून घेतो, ज्यामुळे फ्रीजमधून येणारा वास कमी होण्यास मदत होते.

जास्त घाण जमा होऊ नये म्हणून तुम्ही महिन्यातून एकदा तुमचा संपूर्ण फ्रीज व्यवस्थित स्वच्छ केला पाहिजे. फ्रीजमध्ये खराब झालेले अन्न जास्त काळ ठेवणे टाळावे. नेहमी अन्न झाकून ठेवा.