बॉडी बनवण्याच्या नादात करु नका या चुका, जाणून घ्या जीम करण्याचं योग्य वय काय?

आजकाल लोक आपल्या फीटनेसबाबत जास्त चिंतेत असतात. त्यामुळे जीम, योगा, कमी वयात जॉईन करतात. मात्र बॉडी बनवण्याच्या नादात किंवा फिटनेसमुळे ते आपल्या शरीरावर जबरदस्ती करतात.

झिरो फिगर आणि स्लिम बॉडी मिळविण्यासाठी, बॉडीबिल्डिंग आणि सिक्स पॅकसाठी तरुण तरुणीची जिममध्ये तासनतास घाम गाळतात. मात्र अनेकदा काहींना याचे दुष्परिणामही भोगावे लागतात.

तज्ज्ञांचं म्हणणं आहे की, वयाच्या 15-17 व्या वर्षी म्हणजे पौगंडावस्थेमध्ये जड वर्कआउट करू नये. या वयात शरीर आणि स्नायूंचा विकास अद्याप पूर्ण झालेला नाही. त्यामुळे जड वजनानं काम केल्यानं स्नायू आणि हाडांना नुकसान होऊ शकतं.

18-20 वर्षांच्या वयानंतरच तीव्र व्यायाम करण्याचा सल्ला दिला जातो. तेव्हा शरीराचा विकास होऊन हाडे मजबूत होतात.

त्यामुळे लहान वयात जीम नाहीतर खेळावर लक्ष देणं गरजेचं आहे.

20 नंतर कितीही हेवी वर्कआऊट करु शकता मात्र लहान वयात ते आरोग्यासाठी घातक आहे.