Fishes Not To Eat : श्रावण संपला तरी हे 5 मासे खाऊ नका, चुकूनही खाल्लात तर...

मासे खाणं आरोग्यासाठी चांगलं. माशांमध्ये प्रथिने असतात. जर मासे नियमित प्रमाणात खाल्ले तर कोणतंही नुकसान होणार नाही. पण कोणतीही गोष्ट अती हानिकारकच. याला मासेही अपवाद नाहीत. 

मासे खाण्याचे फायदे असंख्य असले तरी असे मासे देखील आहेत जे शरीरासाठी खूप हानिकारक आहेत. बाजारात असे काही मासे उपलब्ध आहेत ज्यात पारा खूप जास्त प्रमाणात असतो. परिणामी ते मासे खाल्ल्याने पोटात पारा जमा होतो. ज्यामुळे अनेक गंभीर आजार होतात. ते हृदयरोग, कोलेस्टेरॉल, कर्करोग आणि अगदी अर्धांगवायूचा धोका वाढवतं.

कॅटफिश : या माशाची शेती केली जाते आणि त्यांची चव आणि आकार वाढवण्यासाठी या माशांवर विविध रसायने लावली जातात. रसायने आणि कीटकनाशकांच्या वापरामुळे या प्रकारचे मासे खाल्ल्याने कर्करोगाचा धोका वाढतो.

टूना : टूना माशात व्हिटॅमिन बी-3, बी-12, बी-6, बी-1, बी-2 आणि व्हिटॅमिन डीसारखे मल्टी-व्हिटॅमिन असतात. परंतु मॅकरेलप्रमाणे टूना माशात देखील पारा खूप जास्त असतो. म्हणून हा मासा खाल्ल्याने पोटात पारा जमा होतो आणि तुम्हाला गंभीर आजार होण्यास वेळ लागत नाही. याव्यतिरिक्त या सागरी माशांना हार्मोन्स आणि अँटीबायोटिक्स इंजेक्शन दिले जातात, ज्यामुळे शरीराला गंभीर नुकसान होतx.

सार्डिन : हा देखील टूना आणि मॅकरेलसारखाच आणखी एक सागरी मासा आहे. या माशामध्ये सर्वात जास्त पारा असतो, जो शरीरासाठी खूप हानिकारक आहे

मॅकेरेल : मॅकरेल माशात व्हिटॅमिन ए आणि व्हिटॅमिन डी असते, परंतु त्याच वेळी या माशात पारा असतो. म्हणून, हा मासा खाल्ल्याने पोटात पारा जमा होतो, ज्यामुळे अनेक धोकादायक आजार होऊ शकतात.

तिलापिया : जास्त मागणी असल्याने तिलापियाची शेती केली जाते. एकामागून एक शेतात मोठ्या प्रमाणात माशांची लागवड केली जाते. या माशांना सामान्य माशांप्रमाणे अन्न दिलं जात नाही तर बहुतेक प्रकरणांमध्ये पोल्ट्री शेणखत अन्न म्हणून दिलं जातं. ज्यामुळे त्यांच्या शरीरात रोगजनकांचे वहन होतं. शेतात शेती केलेल्या तिलापियापासून विविध जीवाणूजन्य आजार होऊ शकतात. जसं की स्ट्रेप्टोकोकस इनिया आणि कॉलमॅरिस रोग. तिलापिया माशांच्या शरीरात विविध कीटकनाशके आढळतात, ज्यामुळे मानवी शरीरात विविध गुंतागुंत निर्माण होतात.  असे मासे खाल्ल्याने माणसांना हृदयरोग, अर्धांगवायू आणि दमा होऊ शकतो.

तिलापिया माशांमध्ये प्रथिनांची पातळी खूप कमी असते आणि त्यांच्या शरीरात डायब्युटिलीन नावाचं एक प्रकारचं रसायन जमा होतें या डायब्युटिलीनमुळे दमा आणि ऍलर्जी होऊ शकते. तिलापिया मासे खाल्ल्याने शरीरातील चरबी वाढते. याव्यतिरिक्त तिलापिया माशांमध्ये डायऑक्सिन असते. शेती केलेल्या तिलापियाच्या शरीरात या डायऑक्सिनची पातळी 11 पट जास्त असते. 

2008 च्या एका संशोधन पत्रात म्हटलं आहे की तिलापिया माशांमध्ये भरपूर ओमेगा-6 असतं, ज्यामुळे दमा, संधिवात आणि दाहक रोग वाढतात. ओमेगा-6 हे हृदयरोगाचं एक कारण आहे. त्यामुळे रक्तदाब वाढतो, हृदयात रक्ताच्या गुठळ्या होतात, ज्यामुळे हृदयविकाराचा झटका आणि स्ट्रोकचा धोका वाढतो.