Hibiscu Flower Benefits : केसांपासून ते हृदयरोगांपर्यंत, जास्वंद आहे अनेक समस्यांवर गुणकारी, फायदे ऐकाल तर चकित व्हाल!

जास्वंदाचं फूल दिसायला खूप सुंदर असतं आणि ते औषधी गुणांनीही परिपूर्ण आहे. हे फूल केस, ॲनिमिया (रक्ताची कमतरता), तोंडातील अल्सर, बद्धकोष्ठता, ताप आणि हृदयरोगांसाठी खूप फायदेशीर आहे. अनेक देव-देवतांनाही हे फूल खूप प्रिय आहे. आयुर्वेदात जास्वंदाला 'जपा' या नावाने ओळखले जाते आणि केसांच्या अनेक समस्यांवर ते फायदेशीर ठरते.

हिंदू धर्मात फुलांचा वापर पूजेसाठी केला जातो, त्याचबरोबर जास्वंदाचं फूल आपल्या आरोग्यासाठीही खूप उपयुक्त आहे. जास्वंदाला धार्मिक महत्त्व आहेच, पण ते शरीरातील अनेक रोगांवर औषधाप्रमाणे काम करते.

जास्वंदाच्या फुलांमध्ये अँटीऑक्सिडंट आणि लघवी वाढवणारे (Diuretic) गुणधर्म असतात, जे रक्तदाब कमी करण्यास मदत करतात.

आयुर्वेदाचार्य देवेंद्र कुमार यांनी सांगितले की, जास्वंदाला 'जपा पुष्प' म्हणून ओळखले जाते. वजन कमी करण्यासाठी आणि उच्च रक्तदाब नियंत्रित करण्यासाठी ते खूप उपयुक्त ठरते.

शरीरात लोहाची कमतरता असल्यास, जास्वंदाच्या कळ्या वाटून त्यांचा रस नियमितपणे सेवन करावा.

जास्वंदाचं फूल त्वचेच्या समस्या नैसर्गिकरित्या दूर करते. तसेच केसांच्या समस्यांसाठीही ते फायदेशीर आहे. या फुलांचा लगदा (पल्प) बनवून केसांना लावल्यास केसातील कोंड्याची समस्या दूर होते.

उन्हाळ्यात जास्वंदाच्या फुलांपासून बनवलेले सरबत प्यायल्याने निद्रानाशाची समस्या दूर होते. जास्वंदाच्या फुलांसोबत खडीसाखर मिसळून हे सरबत बनवावे.

जास्वंदाचं फूल आपल्या आरोग्यासाठी फायदेशीर आहे कारण ते पचनसंस्था मजबूत करते. त्यामुळे अल्सर आणि पोटाच्या समस्यांपासून आराम मिळतो.

जास्वंदाच्या पानांचा वापर वेदना आणि सूज कमी करण्यासाठी केला जातो. तर जास्वंदाच्या झाडाच्या सालीचा उपयोग ताप आणि सर्दीपासून आराम मिळवण्यासाठी होतो.