कांदा खाण्याची योग्य वेळ कोणती? 99 टक्के लोक करतात ही चूक, वेळत खाला तर फायद्यात रहाल

कांदा हा अनेकांच्या आहाराचा महत्त्वाचा भाग आहे. काही लोक कांदा भाजीत घालून खातात तर काहीजण सलाडसोबत कच्चा कांदा खाण्यास प्राधान्य देतात. पण कांदा कधी खावा, हा प्रश्न अनेकांच्या मनात असतो. सकाळी रिकाम्या पोटी कच्चा कांदा खाल्ल्यास त्याचे आरोग्यदायी फायदे अधिक परिणामकारक ठरतात.

TOI च्या अहवालानुसार, कांद्यात व्हिटॅमिन्स, मिनरल्स, अँटीऑक्सिडंट्स आणि सल्फर कंपाऊंड्स भरपूर प्रमाणात असतात, जे रोगप्रतिकारशक्ती आणि पचनसंस्था सुधारतात. सकाळी रिकाम्या पोटी कच्चा कांदा खाल्ल्यास शरीरातील विषारी घटक बाहेर टाकण्यास मदत होते. यामुळे यकृताचे कार्य सुधारते. कांद्यातील सल्फर कंपाऊंड्स एन्झाईम निर्मिती वाढवतात, ज्यामुळे अन्नपचन आणि पोषणतत्त्वांचे शोषण चांगले होते.

दुपारच्या किंवा रात्रीच्या जेवणात कांदा खाल्ल्यास पोषणतत्त्वांचे शोषण अधिक चांगल्या प्रकारे होते. कांद्यात प्रीबायोटिक्स असतात, जे पचन सुधारण्यासाठी पोटातील चांगल्या बॅक्टेरियांची वाढ करतात. सलाड, डाळ, भाजी किंवा रायत्यामध्ये कच्चा कांदा घातल्याने जेवण अधिक पौष्टिक होते.

याशिवाय कांद्यावर लिंबाचा रस पिळल्याने लोह आणि इतर खनिजे शरीराला सहज मिळतात. संध्याकाळी कांदा खाल्ल्यास रक्तातील साखरेची पातळी नियंत्रित राहते, कारण कांदा इन्सुलिन संवेदनशीलता वाढवतो.

कांदा कच्चा किंवा शिजवून खाल्ल्यास शरीराला फायदे होतात. कच्च्या कांद्यात अधिक व्हिटॅमिन्स आणि सल्फर कंपाऊंड्स असतात, तर शिजवलेला कांदा पचायला सोपा असतो. कच्चा कांदा शरीरासाठी अधिक फायदेशीर ठरतो. मात्र, कांदा ऑलिव्ह ऑईल किंवा तुपामध्ये शिजवल्यास चरबीयुक्त पोषणतत्त्वांचे शोषण अधिक चांगले होते.

कांदा खाण्याची योग्य वेळ आणि पद्धती ठरवताना तुमच्या आरोग्याच्या गरजा लक्षात घ्या. सकाळी कच्चा कांदा खाल्ल्यास डिटॉक्सिफिकेशन आणि पोषणतत्त्वांचे फायदे मिळतात, तर जेवणात कांदा समाविष्ट केल्याने पचन सुधारते.