80 वर्षातही दात हिऱ्यासारखे चमकतील! डॉक्टरांनी सांगितलं जबरदस्त Solution

दात पिवळे पडणं, जास्त गरम किंवा थंड खाल्ल्यास दातांमध्ये वेदना होणं, कमी वयात दात पडणं, हिरड्यांमधून रक्त येणं, तोंडाचा घाण वास येणं, इत्यादी सर्व समस्यांवर तुम्ही काही चांगल्या सवयींनी मात करू शकता. आपल्याला जास्त काही करायचं नाहीये फक्त आजीबाईच्या बटव्यातले रामबाण उपाय वापरायचे आहेत.

डॉक्टर मकरंद कुमार पांडे सांगतात की, दातांचे रोग आता सर्वसामान्य झाले असले तरी हळूहळू आपण त्यांपासून सुटका मिळवू शकतो. सर्वात महत्त्वाचं म्हणजे आपलं वेळापत्रक कितीही व्यस्त असलं तरी वेळात वेळ काढून व्यवस्थित ब्रश करायचं. पाणी, अन्नपदार्थ तोंडातून आपल्या पोटात जातात, त्यामुळे तोंड स्वच्छ असायलाच हवं.

पूर्वीच्या लोकांचे दात वर्षानुवर्षे भक्कम राहायचे कारण ते दात घासण्यासाठी झाडांच्या फांद्यांचा वापर करायचे. या फांद्यांमुळे केवळ दातच नाही, तर हिरड्याही उत्तम राहतात.

विशेष म्हणजे झाडांच्या फांद्यांमुळे केवळ दात निरोगी राहत नाहीत, तर तोंडातील विषाणूही नष्ट होते. कडूलिंबाची फांदी दात घासण्यासाठी सर्वोत्तम असते.

बाजारात मिळणाऱ्या टूथपेस्टमध्ये अनेक केमिकलचा वापर केलेला असतो. त्यामुळे घरात हळद, मोहोरीचं तेल आणि मीठ समप्रमाणात मिसळून पेस्ट तयार करून तिने दात घासण्याचा सल्ला डॉक्टर देतात. त्यामुळे दात वर्षानुवर्षे निरोगी आणि भक्कम राहतात.