Coriander : फ्रिजमध्ये ठेवल्यावरही खराब होते कोथिंबीर? वापरा ही ट्रीक, दीर्घकाळ ताजी राहिल

कोथिंबीर कित्येक पदार्थांमध्ये वापरली जाते. कोथिंबिरीची चटणी कित्येक पदार्थांची चव वाढवते. कित्येक पदार्थ सजवण्यासाठीही कोथिंबीरीचा वापर होतो. प्रत्येकाच्या किचनमध्ये कोथिंबीर असतेच. पण बहुतेकांची कोथिंबिरीबाबत एक समस्या ती म्हणजे कोथिंबीर लगेच खराब होते, अगदी फ्रिजमध्ये ठेवली तरी दुसऱ्या दिवशी ती खराब होते. आता कोथिंबीर जास्त काळ कशी टिकवायची याची सोपी ट्रिक आम्ही तुमच्यासाठी आणली आहे.

कोथिंबीर तुम्ही बाजारातून खरेदी करून घरी आणल्यानंतर सगळ्यात आधी त्याची पानं कात्रीने कापून ती स्वच्छ करून घ्या. यानंतर ती पाण्यात धुवा आणि कापडात गुंडाळून ठेवा. यामुळे ती अनेक दिवस ताजी राहील.

फ्रिज नसेल तरी कोथिंबीर बराच वेळ फ्रेश ठेवता येते. यासाठी कागदाचा पर्याय आहे. ओली कोथिंबीर पूर्णपणे वाळवा, कागदात गुंडाळा आणि कोरड्या डब्यात ठेवा. कागद जास्त ओलावा शोषून घेतो आणि पानं जास्त काळ ताजी ठेवतो.

कोथिंबीर जास्त काळ ताजी ठेवण्यासाठी ती कापडात गुंडाळा आणि फ्रीजरमध्ये ठेवा. यामुळे ते लवकर खराब होणार नाही.  याशिवाय कोथिंबीर प्लॅस्टिकच्या पिशवीत पॅक करून फ्रीजरमध्ये ठेवल्याने त्याचा ताजेपणा टिकून राहील.

कोथिंबीर धुवा, वाळवा,  नंतर त्याची मुळं कापून टाका. पाने नीट ओली करा, नंतर ती बारीक चिरून हवाबंद डब्यात ठेवा. ती बराच काळ ताजी राहिल.