एकाकडे तर दागिने अन् वाहनही नाही..., या TOP 5 IAS अधिकाऱ्यांची संपत्ती किती माहितीये का?

मुख्य सचिव ब्रजेश मेहरोत्रा ​​आणि त्यांच्या पत्नी ममता मेहरोत्रा ​​यांच्या नावाने लखनऊ येथील गोमती नगर येथे दोन फ्लॅट आहेत. एकाची किंमत 27 लाख रुपये आणि दुसऱ्याची किंमत 80 लाख रुपये आहे. बँक खात्यात 19 लाख रुपये आहेत. तसेच सोन्याची साखळी आणि चार हिरे आहेत. यासोबतच पत्नीकडेही दागिने आहेत.

आयपीएस अधिकारी डॉ. एस. सिद्धार्थ हे बिहारचे मुख्यमंत्री नीतीश कुमार यांचे खूप जवळचे आणि कॅबिनेट विभागाचे अतिरिक्त मुख्य सचिव आहेत. त्यांचा दिल्लीतील द्वारका येथे 25 लाख रुपयांचा फ्लॅट आहे. बँकेचे 90 लाख रुपयांचे कर्जही त्यांच्यावर आहे. तसेच बँक खात्यात 52.81 लाख आहेत. त्यांनी शेअर्समध्येही गुंतवणूक केली आहे. त्यांना शस्त्रास्त्रांची आवड असल्याने त्यांच्याकडे एक पिस्तूल आणि एक कॅमेरा आहे.

एचआर श्रीनिवास हे बिहारचे मुख्य निवडणूक अधिकारी आहेत. त्याच्याकडे 20 हजारांची रोकड आहे. तर बँकेत 13.45 लाख रुपये जमा आहेत. तसेच त्यांच्याकडे 50 ग्रॅम सोने आहे.

ऊर्जा विभागाचे प्रधान सचिव संजीव हंस यांच्यापेक्षा त्यांच्या पत्नीकडे जास्त मालमत्ता आहे. संजीव हंस यांच्याकडे होंडा सिटी कार, 306 ग्रॅम सोने, 0.9 कॅरेट हिरा आहे. मात्र, रोकड रक्कम फक्त 10 हजार रुपये आहे. तसेच बँकेत 87 हजार, म्युच्युअल फंडात 32.50 लाख आणि एफडीमध्ये 6.27 हजार लाख रुपये आहेत. मात्र, त्यांच्या पत्नीकडे 590 ग्रॅम सोने, 4 कॅरेट हिरा, 750 ग्रॅम चांदी, 30 हजार रुपये रोख, त्यांच्या बँक खात्यात 1.18 कोटी रुपये आणि 49 लाख रुपयांची एफडी आहे. यासोबतच पुण्यातही एक फ्लॅट आहे.

शीर्षत कपिल अशोक पाटण्याचे जिल्हाधिकारी आहेत. त्यांच्याजवळ कॅश आणि आपले स्वत:चे वाहनही नाही. फक्त 45 ग्रॅम सोने आणि बँकेत 27.95 लाख रुपये आहेत. त्यांच्या पत्नीच्या बँक खात्यात 17.57 लाख रुपये आणि 280 ग्रॅम सोने आहे.

केके पाठक हे बिहार राज्यातील सर्वात चर्चेत असलेले आयएएस अधिकारी आहेत. ते सध्या शिक्षण विभागाचे अतिरिक्त मुख्य सचिवपदी कार्यरत आहेत. त्यांच्याकडे कार किंवा दागिने नाहीत. मात्र, 15 हजार रुपये रोख, बचत खात्यात 8.71 लाख रुपये, पीपीएफ खात्यात 56.27 लाख रुपये आणि जीपीएफमध्ये 1.60 कोटी रुपये आहेत.