Strawberry benefits: काय सांगता? स्ट्रॉबेरीज खाल्ल्याने होतात इतके फायदे, डायबिटीस असणाऱ्या व्यक्ती खाऊ शकतात स्ट्रॉबेरीज ?

Published by:Tushar Shete

Last Updated:January 10, 2025 8:49 PM IST

Health Benefits of Strawberries in Marathi: स्ट्रॉबेरीत ही अनेक जीवनसत्त्वं, खनिजं आणि इतर आवश्यक पोषकतत्वांनी समृद्ध आहे. हिवाळ्यात स्ट्रॉबेरीज खाल्ल्याने शरीराला विविध फायदे होऊ शकतं. चवीला गोड आणि दिसायला सुंदर असणारी स्ट्रॉबेरी हे एक नैसर्गिक औषध आहे असं जर कोणी आपल्याला सांगितलं तर विश्वास बसणार नाही. जाणून घेऊयात हिवाळ्यात स्ट्रॉबेरीज खाण्याचे फायदे.

1/7

स्ट्रॉबेरीमध्ये अँटीऑक्सिडंट्स भरपूर असतात जे कर्करोगापासून शरीराचं संरक्षण करतात. स्ट्रॉबेरीच्या सेवनाने मुक्त रॅडिकल्स नष्ट होऊ शकतात आणि कर्करोगासारख्या जीवघेण्या आजारांना दूर ठेवता येतं.

2/7

स्ट्रॉबेरीज हा फायबरचा चांगला स्रोत आहे ज्यामुळे पचन सुधारते. स्ट्रॉबेरीजमुळे पोटदुखीपासून आराम मिळतो. गॅस आणि ॲसिडिटीवर स्ट्रॉबेरी सर्वोत्तम फळ मानलं जातं. बद्धकोष्ठतेसारख्या समस्या दूर करण्यासाठी स्ट्रॉबेरी मदत करू शकतात.

3/7

स्ट्रॉबेरी हे फॅट फ्री आणि कमी कॅलरीयुक्त फळ आहे. याशिवाय स्ट्रॉबेरीज या चवीला आंबट गोड असतात. त्यात असलेली साखर नैसर्गिक जरी असली तरीही स्ट्रॉबेरी रक्तात साखर हळू हळू सोडतात. त्यामुळे डायबिटीस असणारे रूग्णही स्ट्रॉबेरी बिनधास्तपणे खाऊ शकतात.

स्ट्रॉबेरी हे फॅट फ्री आणि कमी कॅलरीयुक्त फळ आहे. याशिवाय स्ट्रॉबेरीज या चवीला आंबट गोड असतात. त्यात असलेली साखर नैसर्गिक जरी असली तरीही स्ट्रॉबेरीज रक्तात साखर हळू हळू सोडतात. त्यामुळे डायबिटीस असणारे रूग्णही स्ट्रॉबेरी बिनधास्तपणे खाऊ शकतात.

4/7

स्ट्रॉबेरीजमध्ये असलेले अँटिऑक्सिडंट्समुळे विविध प्रकाराच्या ताणतणावापासून शरीराचं रक्षण करतात. याचा फायदा फक्त शारीरिकच नाही तर मानसिक स्वास्थ्यावर सुद्धा होतो.

5/7

स्ट्रॉबेरीत असलेल्या फायबर्समुळे पोट भरलेलं राहतं त्यामुळे भूक कमी लागते. शिवाय स्ट्रॉबेरीत कॅलरीज कमी असल्यामुळे वजन नियंत्रणात राहायला मदत होते. स्ट्रॉबेरीतले जीवनसत्व सी आणि फायबर्स खराब कोलेस्टेरॉल कमी करतात त्यामुळे हृदयविकाराचा धोका कमी होतो.

6/7

स्ट्रॉबेरीत असलेलं व्हिटॅमिन सी आणि अँटिऑक्सिडंट्स रोगप्रतिकारक शक्ती वाढवतात. त्यामुळे हिवाळ्यातल्या संक्रामित आजारांपासून शरीराचं रक्षण होऊ शकतं.

7/7

हाडाच्या आरोग्यसाठीही स्ट्रॉबेरीज फायद्याची आहे. त्यामुळे हिवाळ्यात स्ट्रॉबेरीज खाल्ल्याने सांधेदुखीचा त्रास कमी व्हायला मदत होते.

Strawberry benefits: काय सांगता? स्ट्रॉबेरीज खाल्ल्याने होतात इतके फायदे, डायबिटीस असणाऱ्या व्यक्ती खाऊ शकतात स्ट्रॉबेरीज ?

फोटो

ताज्या बातम्या