20 भाषांमध्ये 60 सिनेमे 40 मालिका... सैफ अली खानची GF होती 90s ची स्टार हिरोईन, इंडस्ट्री सोडून आता करतेय 'हे' काम

इंडस्ट्रीमध्ये अशा काही अभिनेत्री होत्या, ज्यांनी आपल्या सौंदर्याने तर चाहत्यांना भुरळ घातलीच, पण त्यांच्या पडद्यामागील आयुष्यातही अनेक वादळं आली. अशीच एक अभिनेत्री होती, जिला अभिनयाचा रॉयल वारसा लाभलेला असून इंडस्ट्रीच्या क्लासी अभिनेत्रींपैकी ती एक होती.

इतकंच नाही, तर तिचं नाव बॉलिवूडचा नवाब सैफ अली खानशी जोडलं गेलं होतं. ही अभिनेत्री दुसरी कोणी नसून आपल्या सौंदर्याने आणि अभिनयाने सर्वांना घायाळ करणारी मुनमुन सेन आहे.

दिग्गज अभिनेत्री सुचित्रा सेन यांची मुलगी असलेल्या मुनमुन सेन यांनी आपल्या आईचं नाव पुढे नेलंच, पण त्यांनी इंडस्ट्रीत स्वतःचं एक वेगळं स्थान निर्माण केलं. त्यांनी हिंदी, बंगाली, तमिळ, तेलगू अशा तब्बल २० भाषांमध्ये ६० हून अधिक चित्रपटांत काम केलं. त्याशिवाय ४० टीव्ही सीरियल्समधून त्यांनी घराघरात ओळख निर्माण केली.

त्यांच्या या उत्कृष्ट कामासाठी त्यांना 'नंदी स्टेट अवॉर्ड' आणि 'भारत निर्माण अवॉर्ड' सारख्या प्रतिष्ठित पुरस्कारांनी गौरवण्यात आलं आहे. मनोरंजन विश्वात कधी कोणाचं नाव कोणासोबत जोडलं जाईल हे सांगता येत नाही. ९० च्या दशकात मुनमुन सेन यांच्या अफेअरच्या चर्चांनी सिनेसृष्टी ढवळून निघाली होती.

विशेष म्हणजे, त्या काळात मुनमुन यांचं नाव त्यांच्यापेक्षा वयाने लहान असलेल्या सैफ अली खानसोबत जोडलं गेलं होतं. त्यांच्या अफेअरच्या गॉसिप्सने मॅगझिनची पानं भरून निघायची. फक्त सैफ नाही, तर निर्माते रोमू सिप्पी आणि अभिनेते व्हिक्टर बॅनर्जी यांच्यासोबतही त्यांच्या अफेअरच्या चर्चा रंगल्या.

मात्र, या अफेअरच्या अफवा दूर सारत मुनमुन सेन यांनी १९७८ मध्ये त्रिपुराच्या राजघराण्यातील भरत देव वर्मा यांच्याशी लग्न करून या सर्व चर्चांना पूर्णविराम दिला.

मुनमुन सेन यांच्या सासूबाई इला देवी या कूचबिहारच्या राजकुमारी होत्या, तर जयपूरची महाराणी गायत्री देवी यांच्याशीही त्यांचं रक्ताचं नातं आहे. या रॉयल फॅमिली बॅकग्राऊंडमुळे मुनमुन सेन यांच्या व्यक्तिमत्वात एक वेगळाच दरारा जाणवतो. आज त्यांच्या दोन्ही मुली रायमा सेन आणि रिया सेन देखील इंडस्ट्रीत सक्रिय आहेत.

आज जरी मुनमुन सेन रुपेरी पडद्यापासून दूर असल्या, तरी त्यांचं आयुष्य तितकंच रंजक आहे. त्यांनी जादवपुर युनिव्हर्सिटीमधून लिटरेचरमध्ये मास्टर्स केलं आहे. त्यांना पेंटिंग आणि जुन्या अँटीक वस्तू जमा करण्याची प्रचंड आवड आहे. इकतंच नाही, तर त्या सध्या एका बंगाली कुकबुकवर काम करत असून लवकरच ते प्रकाशित होणार आहे.