Heart Attack : बाळाला दूध पाजताना कोल्हापुरातील महिलेला हार्ट अटॅक, ब्रेस्टफिडिंगमुळे हृदयावर परिणाम होतो का?

हार्ट अटॅक आला आणि तिचा मृत्यू झाला. कोल्हापुरातील ही धक्कादायक घटना आहे. त्यामुळे ब्रेस्टफिडिंगमुळे हार्ट अटॅक येतो का? असा प्रश्न निर्माण होतो आहे." width="1200" height="900" /> बाळ जगात येताच त्याच्यासाठी पहिला आहार कोणता असतो तर ते म्हणजे आईचं दूध. आईचं दूध म्हणजे बाळासाठी पूर्णान्न, अमृत. अशीच एक आई आपल्या बाळाला आपल्या अंगावरील दूध पाजत होती, तेव्हा तिला हार्ट अटॅक आला आणि तिचा मृत्यू झाला. कोल्हापुरातील ही धक्कादायक घटना आहे. त्यामुळे ब्रेस्टफिडिंगमुळे हार्ट अटॅक येतो का? असा प्रश्न निर्माण होतो आहे.

ब्रेस्टफिडिंगमुळे काही महिलांना शारीरिक समस्या उद्भवतात. जसं की पाठीत, छातीत आणि स्तनांमध्ये वेदना. पण ही हृदयरोगाची लक्षणं नाहीत. जर एखाद्या महिलेच्या छातीत वेदना होत असतील तर डॉक्टरांशी संपर्क करावा, कारण हे हृदयरोगाचे संकेत असू शकतात.

स्तनपान एक निरोगी आणि नैसर्गिक प्रक्रिया आहे. पण याचा संबंध हृदयरोग किंवा हार्ट अटॅकशी जोडला जाऊ शकत नाही. उलट ती हृदयाच्या आरोग्यासाठी फायदेशीर असल्याचं अभ्यासात दिसून आलं आहे.

अभ्यासानुसार स्तनपान करणाऱ्या महिलांना हृदयरोगाचा धोका कमी होऊ शकतो. स्तनपानामुळे हृदयरोग, स्ट्रोक आणि हृदयरोगामुळे मृत्यूचा धोका कमी होऊ शकतो. PLoS One मध्ये याबाबतचं संशोधन प्रकाशित करण्यात आलं आहे.

ब्रेस्टफिडिंगमुळे आईच्या शरीरात काही बदल होतात. जे आरोग्यासाठी चांगले असतात. ब्रेस्टफिडिंगमुळे गूड कोलेस्ट्रॉल वाढतं आणि वाईट कोलेस्ट्रॉल कमी होतं. याशिवाय इन्सुलिन सेन्सिटिव्हिटी सुधारते, ज्यामुळे टाइम 2 मधुमेहाचा धोका कमी होतो.