Kokum Agal Benefits : घरच्या घरी असं बनवा कोकम आगळ; नियमित प्या, होतील हे जबरदस्त फायदे..

असं बनवा कोकम आगळ : हे फळ कोकम चवीला गोड आणि आंबट असते आणि त्याचा रंग गडद लाल, जांभळा असतो. पिकलेल्या कोकम फळांच्या साली, गर आणि मीठ हे सर्व वापरून आगळ तयार केले जाते. सर्वात आधी रतांबे म्हणजेच कोकमाचे मध्यभागी चिरुन आतील बिया काढून घ्या.

बिया एका चाळणीवर ठेवून त्यात 4-5 चमचे मीठ घालून तीन ते चार तासांसाठी तसेच ठेवा. त्यानंतर रंताबे पाण्यातून बाहेर काढून कडक उन्हात तीन ते चार दिवसांसाठी वाळवा. यानंतर बियांचा अर्क उतरेल. आता हा जो अर्क उरला आहे, तो असतो आगळ. हा आगळ तुम्ही सोलकढी, सरबत अशा वेगवेगळ्या पदार्थांमध्ये वापरू शकता.

पोषणतज्ञ अंजली मुखर्जी यांच्या मते जर उन्हाळ्यात निरोगी राहण्यासाठी तुम्ही <a href="https://news18marathi.com/lifestyle/kokum-benefits-drink-healthy-tasty-kokum-sharbat-in-summer-to-keep-heart-and-liver-healthy-mhpj-1146403.html">कोकम सरबत</a> पिऊ शकता. हे एक अतिशय आरोग्यदायी पेय आहे, जे उन्हाळ्याच्या उष्णतेपासून शरीराचे संरक्षण करते. कोकम ज्यूसचा आहारात समावेश करा. यामध्ये भरपूर प्रमाणात अँटीऑक्सिडंट असतात, जे पचन सुधारतात. जळजळ होण्याची समस्या दूर करते. ॲसिडिटी, ब्लोटिंग यासह अनेक समस्यांवर उपचार करते.

तुमचे हृदय निरोगी ठेवण्यासाठी तुम्ही कोकम फळ आणि त्याचा रस पिऊ शकता. त्यात पोटॅशियम असल्याने रक्तदाब सामान्य राहतो. कोलेस्ट्रॉल जास्त नाही. खराब कोलेस्टेरॉल कमी करण्यात प्रभावी असते.

कोकममध्ये अतिसार विरोधी गुणधर्म आहेत. त्यामुळे हे खाल्ल्याने डायरियाची समस्या कमी होऊ शकते. यामध्ये अँटीफंगल आणि अँटीऑक्सिडंट गुणधर्म देखील आहेत, ज्यामुळे शरीराला अनेक प्रकारे फायदा होतो. या फळाचे सेवन केल्याने त्वचेचे आरोग्यही सुधारते. त्वचेवर चमक येते.

कोकम फळाच्या सालीमध्ये भूक कमी करणारे अनेक पोषक घटक असतात. ऊर्जा वाढवते आणि चयापचय वाढवते. याचे सेवन केल्याने वजन बऱ्याच अंशी नियंत्रणात ठेवता येते. कोकमचा सरबत प्यायल्याने रक्तातील साखरेची पातळीही नियंत्रित राहते. हे ऑक्सिडेशनचे प्रमाण कमी करते आणि चयापचय सुधारते.

<a href="https://news18marathi.com/photogallery/lifestyle/summer-tips-these-fruits-will-keep-you-hydrated-and-cool-in-summer-also-avoid-heat-stroke-mhpj-1179226.html">कोकम फळ</a> आणि त्यापासून तयार केलेला रस प्यायल्याने पचनशक्ती चांगली राहते. आतड्यांच्या आरोग्याला चालना मिळते. यात काही अँटी-बॅक्टेरियल घटक असतात जे पोटाशी संबंधित समस्या जसे की गॅस, अपचन, सूज येणे, पोटदुखी, बद्धकोष्ठता यापासून दूर ठेवतात.

(इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)