चक्क 1 रुपयात मिळतोय दागिना, मुंबईतील या मार्केटला द्या भेट

भारतातील महिलांचा दागिने हा जिव्हाळ्याचा विषय आहे. त्यामुळे सर्वच वयोगटातील महिला कानातले, नेकलेस, बाजूबंद, बांगड्या, कंबरपट्टा, पैंजण हे सर्व दागिणे हौसेनं खरेदी करतात.

आपल्याकडं असलेल्या ड्रेसवर मॅचिंग असा दागिना घेण्याची त्यांची इच्छा असते. पण, वाढत्या महागाईमुळे ते सर्वांना शक्य होत नाही. पण, आता काळजी करू नका. कारण <a href="https://news18marathi.com/mumbai/">मुंबईतील</a> मार्केटमध्ये फक्त 1 रुपयांपासूनचे कानातले खरेदी करता येतात.

मुंबईतल्या प्रसिद्ध भुलेश्वर मार्केटमध्ये फक्त 1 रुपयामध्ये कानातल्याचे जोड मिळतात. या मार्केटमधील जिग्न इंपेक्स या दुकानात 1 ते 25 रुपये या किमतीमध्ये कानातले मिळतात. या दुकानात इतर दागिनेही अगदी स्वस्तात मिळतात. केवळ 12 रुपयांमध्ये ब्रेसलेट आणि 15 रुपयांमध्ये खड्यांचे कडे इथं खरेदी करता येतात.

महागाईमुळे प्रत्येक वस्तूची किंमत सातत्यानं वाढत आहे. कोरोना व्हायरसनंतर महागाईमध्ये काही पटीनं वाढ झालीय. पण, मुंबईतील भुलेश्वर मार्केटमध्ये होलसेल दरात वेगवेगळी खरेदी करता येते.

अनेक मुंबईकर लग्नाचा बस्ता इथंच खरेदी करतात. त्याचबरोबर दैनंदीन वापरासाठी दागिने आणि कपडेही इथं स्वस्त दरामध्ये मिळतात. पण, अवघ्या 1 रुपयांमध्ये कानातलं मिळाणारं मुंबईतील हे शॉप सर्वसामान्यांसाठी नक्कीच मोठा खजिना आहे.