Puran Poli : पुरणपोळी लाटताना फुटतेय? पिठात मिसळा 'हा' एक पदार्थ, एकही पोळी फुटणार नाही

पुरणपोळी हा केवळ एक गोड पदार्थ नसून तो महाराष्ट्राचा सांस्कृतिक वारसा आहे. विशेषतः होळीच्या सणाला पुरणपोळीचा नैवेद्य दाखवल्याशिवाय सण पूर्ण झाल्यासारखं वाटत नाही. पण, अनेकदा हौसेने पोळी लाटायला घेतल्यावर ती कडांनी फाटते किंवा पुरण बाहेर येते. तुमची ही समस्या सोडवण्यासाठी आणि पोळ्या कापसासारख्या मऊ होण्यासाठी पिठात काय मिसळावे? यासाठी तुमच्यासाठी एक भारी उपाय आणला आहे.

होळीचा सण जवळ आला की घराघरात पुरणाचा खमंग सुवास दरवळू लागतो. पण नवीन शिकणाऱ्यांसाठी किंवा कधीकधी अनुभवी सुगरणींसाठीही 'पुरणपोळी लाटणे' हे एक मोठे आव्हान ठरते. कधी पोळी फुटते, तर कधी कडक होते. जर तुमचीही पुरणपोळी लाटताना फाटत असेल, तर पिठाच्या कणीक मळताना फक्त 'एक' खास पदार्थ मिसळा.

तो 'खास' पदार्थ कोणता?पुरणपोळीचं पीठ (कणीक) मळताना त्यात 'मैदा' आणि 'तेल' तर आपण घालतोच, पण पोळी लवचिक होण्यासाठी त्यात 'चिमूटभर मीठ आणि थोडे कोमट दूध' किंवा 'थोडं साजूक तूप' गरम करून मोहन म्हणून घाला.मात्र, पोळी अजिबात फुटू नये यासाठी सर्वात प्रभावी पदार्थ म्हणजे 'डाळीचे पीठ' (बेसन).

टीप: कणीक मळताना 2 वाटी गव्हाच्या पिठात किंवा मैद्यात फक्त 2 चमचे बेसन मिसळा. बेसनमुळे पिठाला चांगला 'बाइंडिंग' येतो आणि पोळी लाटताना ती फाटत नाही.

मऊ आणि लुसलुशीत पुरणपोळीसाठी खास टिप्सपीठ नेहमी सैलसर आणि लवचिक असावे. पीठ मळल्यानंतर त्याला किमान 1-2 तास तेलाचा हात लावून मुरू द्यावे.पुरण आणि बाहेरचे पीठ (कणीक) या दोन्हीचा मऊपणा सारखाच असावा. पुरण जास्त घट्ट असेल तर पोळी फुटते.पुरण नेहमी गरम असतानाच वाटावे, जेणेकरून त्यात डाळीचे कण राहत नाहीत आणि पोळी एकसारखी लाटली जाते.पोळी लाटताना नेहमी कडांकडून मध्यभागी लाटावी. यामुळे पुरण सगळीकडे सारखे पसरते.

अशी करा तयारी: कधीच चुकणार नाही गणितकणीक मळताना: गव्हाचे पीठ, थोडा मैदा, चवीपुरते मीठ, हळद (रंगासाठी) आणि २ चमचे बेसन एकत्र करून सैलसर भिजवा. वरून भरपूर तेल लावून पीठ झाकून ठेवा.

पुरण तयार करताना: डाळ शिजल्यावर त्याचे पाणी (कटाची आमटी करण्यासाठी) पूर्णपणे निथळून घ्या. डाळ आणि गूळ एकत्र शिजवताना ते जास्त कोरडे होणार नाही याची काळजी घ्या.मोदकासारखा उंडा: पिठाची पारी करून त्यात पुरण भरताना तोंड व्यवस्थित बंद करा, जेणेकरून लाटताना हवा शिरणार नाही.

या होळीला या साध्या टिप्स वापरून पहा आणि घरच्यांची वाहवा मिळवा