Curd vs Buttermilk : दही की ताक, उन्हाळ्यात शरीरासाठी काय जास्त फायदेशीर?

दुधापासून बनलेले दही आणि ताक दोन्हींचे वेगवेगळे गुणधर्म आणि फायदे देतात. तुमच्यासाठी यातील कोणते जास्त फायदेशीर आहे. हे ठरवण्यासाठी आज आपण दोन्हींबद्दल माहिती घेऊया. त्यांचे फायदे जाणून घ्या आणि तुमच्यासाठी कोणता सर्वोत्तम आहे ते जाणून घ्या.

भारतात दही आणि ताक मोठ्या प्रमाणात वापरले जाते. लहान मुलांपासून ते मोठ्यांपर्यंत प्रत्येकजण कोणत्या ना कोणत्या प्रकारे या दुग्धजन्य पदार्थांचा आहारात समावेश करतो. दुधापासून मिळणारे हे दुग्धजन्य पदार्थ विविध गुणधर्म आणि फायदे देतात.

लॅक्टिक ऍसिड बॅक्टेरियासह दुधाला आंबवून दही तयार केले जाते. यामध्ये प्रोबायोटिक्स, कॅल्शियम आणि प्रथिने भरपूर प्रमाणात असतात. प्रोबायोटिक्स आतडे आणि रोगप्रतिकारक शक्तीसाठी चांगले आहेत.

दह्यामध्ये थोडं पाणी घालून, नीट थंड करून आणि लोणी काढून ताक तयार केले जाते. एकेकाळी ताक नैसर्गिकरीत्या घरी बनवले जायचे. पण आजकाल कमी चरबीयुक्त दुधात लॅक्टिक ॲसिड बॅक्टेरिया आंबवला जातो.

हे ताक कमी चरबीयुक्त दुधापासून बनवले जाते, त्यामुळे त्यात फॅट नसते. अगदी जुन्या पद्धतीच्या ताकातही फॅट नसते. त्यामुळे प्रौढांसाठी दह्यापेक्षा ताक जास्त फायदेशीर आहे.

ताक देखील सहज पचण्याजोगे आहे कारण त्यात फॅट्सचे प्रमाण कमी आहे. किण्वन प्रक्रियेमुळे लैक्टोजचे विघटन होते, त्यामुळे ज्यांना लैक्टोज पचण्यास त्रास होतो त्यांच्यासाठी ताक पिणे जास्त फायदेशीर आहे.

दह्यात प्रोबायोटिक्स असतात, जे आतड्यांचे आरोग्य आणि रोगप्रतिकारशक्ती सुधारतात. मात्र दही कसे बनवले जाते आणि कोणते बॅक्टेरिया वापरतात यावर अवलंबून प्रोबायोटिक्सची टक्केवारी आणि प्रकार बदलू शकतात. दह्यामध्ये सौम्य आम्लता घटक असतो. ते दह्याला आंबट चव देते, पचन सुधारते.

ताक हे दह्यापेक्षा जास्त आम्लयुक्त असते, ज्यामुळे त्याला किंचित आंबट चव देखील मिळते. आंबटपणामुळे पदार्थ शरीराला फ्रेश बनवतात.

Disclaimer : (इथं दिलेली माहिती तज्ज्ञांशी केलेल्या चर्चेवर आधारित आहे. ही एक सामान्य माहिती आहे. कोणताही व्यक्तीगत सल्ला नाही. आपण कोणत्याही पदार्थाचं सेवन करण्याआधी याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी न्यूज18 मराठी जबाबदार नसेल.)