हृदयद्रावक! लेकीच्या लग्नाचं निमंत्रण द्यायला जातानाच काळानं गाठलं, अख्खं गाव हळहळलं

जालना: सध्याच्या काळात रस्ते अपघाताच्या घटनांमध्ये मोठी वाढ झाली आहे. नुकतेच जालना जिल्ह्यातील बदनापूर तालुक्यात एक दुर्दैवी अपघात झाला. यामध्ये लाडक्या लेकीच्या लग्नाचे निमंत्रण देण्यासाठी जात असलेल्या वडिलांचाच मृत्यू झाला, तर आई या अपघातात गंभीर जखमी झाली आहे. ज्या घरात सनई-चौघडे वाजणार होते, त्यापूर्वीच ही घटना घडल्याने हळहळ व्यक्त होत आहे.